上回為大家介紹咗水族館，超級大玻璃幕睇鯨鯊。今次為大家介紹嘅係海洋博公園免費嘅區域，重點介紹海豚劇場、海龜館及放電繩網陣公園。     講起海豚，喺香港想親親海豚，除咗諗到去大澳坐快艇碰運氣睇中華白海豚之外，就一定係去海洋公園！不過以上都係需要俾錢先有得睇海豚，但係去到沖繩，海洋博公園睇海豚嘅話，係唔洗俾錢就可以睇海豚表演！   離開沖繩美麗海水族館，步行約5分鐘左右就會去到海豚劇場。     搵個好位置坐下慢慢欣賞，未正式開始表演，海豚已經喺池入面游來游去。     而且你亦可以近距離睇海豚，我都係第一次可以咁近睇到海豚咋！！！     海豚劇場時間表: (表演大約20分鐘) - 11am - 1pm - 2:30pm - 4pm - 5:30pm* (加開場次，只限四月至九月)   專心嘅和牛B，睇到海豚躍跳，都感到好興奮好開心！     除咗海豚劇場之外，遊客亦可以走到旁邊「海豚灣」參觀海豚觀察嘅免費活動，都一樣可以近距離觀察海豚。     海豚觀察會場次： 10am* (海豚觀察會有可能在海豚劇場或是海豚灣舉行) 11:30am 1:30pm 3:00pm   海龜館 香港未見過館藏，香港要睇海龜都係要去海洋公園嘅。但係海洋公園嘅海龜數目並不多，嚟到呢到覺得畫面好震撼好興奮呢。   佢哋嘅館都盡量配合海龜嘅生活環境，陸上有小沙灘，等海龜產卵嘅季節可以上去產卵。     先喺上層地面觀察一下海龜，旁邊有隧道通往海龜館，可以觀察水入面游來游去嘅海龜群。       海龜館入面有好多介紹關於海龜嘅生活習性、海龜嘅資料。     仲有海龜嘅骨格標本。     嘩~超多海龜呀!!!!     仲有海龜嘅殼，見到個殼大到好似盾牌咁呀!!     放電區 - 繩網陣 海洋博公園真係超大，帶住小朋友真係可以玩足一日！呢到有個專區係繩網陣，好多個繩網。   和牛B都係第一次爬繩網，算係佢踏出咗第一步啦~     觀光車   ¥200/日，可以環繞成個公園 ¥100/次 *詳情請參閱官方網站   嬰兒車 場內亦有嬰兒車借用服務，而且係免費嘅。只需要填寫上簡單資料，姓名、地址、電話就可以了。 停車場 海洋博公園設有多個停車場，重點係免費泊車!!    ***戶外活動，記得幫小朋友搽密啲防曬、蚊怕水同埋飲多啲水呀。   海洋博公園 地址：沖繩縣國頭郡本部町字石川424番地 網址：http://oki-park.jp.t.ms.hp.transer.com/kaiyohaku/inst/   ＜行程 + 景點＞ 【沖繩親子自駕遊】海洋博公園 x 美麗海水族館 x 好多魚&鯨鯊呀!! (Part I) 【沖繩親子自駕遊】親子齊玩 x 裝飾好味雪糕 x 少女味 @ Blue Seal x Ice Park 【沖繩親子自駕遊】TomiTon 醫肚+放電+購物 & 森林家族專門店   -------------------------------------------------- 歡迎聯絡我&和牛B，參加產品試用和活動:email: chungying56@hotmail.com Facebook專頁: 80's Mami – 和牛B嘅成長專頁   -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。