數數手指，離開職場將近一年，當全職媽媽也已經半年。未有小朋友前，都會覺得當全職媽媽很輕鬆，甚至會覺得要依賴老公養的女人很可悲。可是，經過這半年時間，才明白全職媽媽不易當、也明白原來工人是不能取代媽媽的地位！   當媽媽前後的生活對比：   瞓到日上三竿 VS 半年來未試過連續瞓八小時 每日期待放假 VS 只會記得幾時要返健康院 夜晚準時開電視追劇 VS 夜晚準時哄BB瞓教 收工乜都唔想做 VS BB瞓咗仲要做家務 捻下放假食乜好 VS 今日加固煮乜好 成日嘈住無假放 VS 成日嘈住無街去   以前做女時，成日會覺得生咗BB請一個工人就乜都搞掂！而家捻返真係覺得好可笑！工人又點可以取代媽媽的地位？工人可以埋身餵人奶嗎？工人會努力教小朋友嗎？工人可以廿四小時照顧小朋友嗎？   以前會好擔心，當全職媽媽無收入，生活一定很拮据。而家先知，請工人其實開支仲大啦！月薪+飛機票+保險+生活開支，會便宜嗎？相反，當全職媽媽其實係為家庭節省開支才對！作為廿四小時 on call的全職媽媽，呢份工係全世界工時最長嘅工作，美國保險網站Insure.com估計，依照2015年的薪資水準，如果真係要計算全職媽媽的年薪，差唔多成6萬2985美元！   雖然呢啲數據係得啖笑，但當媽媽的確辛苦過打工！所以，我經常要提着自己，有機會就要留時間和老公相處！每個找個私人時間給自己放鬆下（比如去做個facial）！Happy Mum, Happy Baby！即使在職媽媽也很辛勞，也要多欣賞自己為子女付出的心血，多欣賞自己！   向所有媽媽致敬！   ******************   ♡ESD Life 靚太Club星級會員♡ ♡香港媽咪幫 駐站部落客♡ ♡香港媽媽經 駐站作家♡   這裡也有Un太的文章： ESD life WOW • Mamibuy HK • MaMaClub She Mom • Weshare • Mybb • Blogger   如有親子相關産品分享和活動邀請，歡迎聯絡Un太： Email：nataliepuipui@gmail.com Facebook專頁：Un太的Blog Instagram：mrs.un.blog Blog：https://educatemybaby.com/