一直好多人都會討論在職媽媽辛苦d?定全職媽媽辛苦d? 2種我都試過，咁o岩你係一間好既公司返工，上班無壓力既當然好 但剛好如果你返既又要跑數，又工時長既就慘了。 返工不停比經理比客煩，返到屋企半死仲要攪個ｂ,真係想死! 咁24小時係屋企又真係咁辛苦?自問2個小朋友係好乖(媽媽我表示好感恩) 佢地真係食飽訓，可以自娛，係得閒煩下你攪下你。 不過唔好忘記仲有一大堆野係屋企你係要做！ 買野煮野食餵奶執玩具洗衫............. 真係要好好安排抽到d時間做自己野! 所以對我黎講 在職媽媽可以返工抖下，同同事吹下水玩樂下 全職媽媽可以忙裡偷閒有ｄ時間休息下。 但而家我做緊第三種媽媽，就係在家工作媽媽 係我至想死既一種！！！！！！！！！！ 一黎無得返工出去抖下，２黎就算忙裡偷閒既時間都要拎黎做公司野! 一手抱住個細一手打字整圖! 仲要個大既不停媽咪你陪我玩!!完全想撞埋個電腦到! 想等佢地訓晒可以做野，就要睇你好唔好彩，２個會唔會咁合作！ 唔知點解梗有一個唔願訓，仲要大喬慣左陪訓，成日都要等佢訓左我先可以做野！ 轉眼都深夜３點！第二朝又８點起身展開新一日！ 總之做媽媽就辛苦！ 點解爸爸可以專心工作，媽媽成日都做分身不暇呢個角色！ （利申：大家平等，公一份婆一份架！！無家用架！）