『入實驗室撳緊急掣』佢哋兩個就講得多，今次真係走入實驗室扮個小小科學家。我哋參加咗由Nobel academy及National Geographic 國家地理所舉辦的「入實驗室做科學家」活動，同小朋友一做新奇又得意嘅科學實驗     活動總共1.5小時，不過一開始只係小朋友跟導師(下稱博士)入課室進行活動，家長呢個時侯就可以落街嘆番杯咖啡Shopping下         原來D • Park呢個「Junior AIR CREW」小機師小空中服務員活動都係佢哋舉辦的! (聽講會加場)       大概1小時10-15分鐘後(即餘下15分鐘)，我哋就番去睇小朋友實驗示範。哋一入到房，見住所有小小科學家排隊列陣，個個著起科學家袍都有型有款，唯獨是我家公子成個爛仔咁! (仲要插袋)       今次活動最吸引點，當然係由National Geographic 國家地理一同合辦(平時喺屋企睇電視就睇得多)  其實今次活動共4天(2017年10月5日、8日、15及22日) ，每次分別有唔同主題 10月5日 OXIDANE 從【水】認識科學 (十秒做出原子彈/ 魚在倒轉的杯裡游/ 猜猜什麼可以浮/ 什麼是水的表面張力) 10月8日 COMPRESSIBLE FLUID 從【空氣】認識科學 (自製神奇飄浮球/ 不可思議的風洞/ 飛機冇翼點飛呀/ 空氣砲) 10月15日 GRAVITY 平衡及動力 (飄浮的鐵叉/ 不倒翁/ 奇行種青蛙/ 踩鋼線) 10月22日 VISION 【視】覺及【錯】覺 (眼看未為真/ 海巿蜃樓/ 3D全息影像/ 恐龍追住你)       我哋今日參加第一個主題 OXIDANE 從【水】認識科學 博士先給大家看看原子彈的片段，感受一佢嘅威力同觀察其狀態         然後博士預先準備咗一盆番皂水、乾冰同埋一樽清水     先試試將乾冰放入水裡，就立即形成白色煙霧   但係當今次將弄濕番皂水的毛巾，同步放上樽口製造番皂泡     乾冰遇上水釋放的白色煙霧就會鎖了在番皂泡之下，後來形成一大個白色煙務球     當佢慢慢變得越來越大時侯，就會受不住空氣的壓力，壓爆番皂泡而出       後面位小朋友真係演技上身，個番皂泡爆係唔會有聲囉! ^.^ ~ |||       最後小朋友都係等唔切! 齊齊走入篤爆佢，皆大歡喜。         博士示範完，就到佢哋兩個小朋友示範一次俾我哋睇啦! 希望唔好雞手鴨腳啦           慢慢越嚟越大啦!!!!        都唔知點解呢兩個科學家，攪攪下一粒大原子彈會分裂咗超多粒出嚟，果然係天才!!       最後佢哋都係手痕痕去篤爆哂D泡泡     去到下一個環節(小朋友只會示範其中兩個實驗俾家長睇)，第二個就係「什麼是水的表面張力」     實驗做法就係要將一個小小扭蛋殼(已剪開)，放在一個預先抹上水的透明膠Folder之上，將Folder傾斜，利用水的張力令扭蛋殼不斷打轉滑行   扭蛋殼好似一架車在地圖上行駛     呢個簡單實驗，就連呀芊都Handle到，可以自己表演俾我哋睇     完成所有實驗示範，最後就派發證書!         如果大家參加2個主題或以上仲可以獲贈呢本兒童手作書刊《超有型紙飛機》乙本(價值$133，內附96張手作印花紙)       希望呢個體驗都可俾佢哋對科學有一點認識，學習對一切事物都充滿着好奇之心!    之後幾堂仲有少量名額，大家快D把握機會報名參加啦         Photo by CANON 5D Mark IV, Len | EF 24-70mm f/2.8L USM   想跟我去體驗其他活動，快D報名親子團，同埋留意專頁公佈詳情啦！ http://goo.gl/forms/CNZMEPoMIWkouK8o2   呀劍評分: 8分   呀劍評語: 小朋友有機會就當於各方法嘗試，動態可攀山涉水，靜態可以試下做個科學實驗。這類活動兩兄妹卻真是比較少參加，適逢今次可以俾佢哋認知一下物理化學的奇妙，預期等學校教，不如早D俾小朋友接觸下。   活動內容 活動共設4大主題，每日只設1個主題，每個主題均設15分鐘家長觀課環節；根據每個主題內容，小朋友除學習基本理論，還需動手進行各種實驗，並於活動最後15分鐘邀請家長入內，小朋友穿起實驗袍進行實驗示範 活動日期 共4天(2017年10月5日、8日、15及22日) ，每次分別有唔同主題 10月5日 OXIDANE 從【水】認識科學 (十秒做出原子彈/ 魚在倒轉的杯裡游/ 猜猜什麼可以浮/ 什麼是水的表面張力) 10月8日 COMPRESSIBLE FLUID 從【空氣】認識科學 (自製神奇飄浮球/ 不可思議的風洞/ 飛機冇翼點飛呀/ 空氣砲) 10月15日 GRAVITY 平衡及動力 (飄浮的鐵叉/ 不倒翁/ 奇行種青蛙/ 踩鋼線) 10月22日 VISION 【視】覺及【錯】覺 (眼看未為真/ 海巿蜃樓/ 3D全息影像/ 恐龍追住你) 活動時間 第一場(13:00-14:30) 第二場(14:45-16:15) 第三場(16:30-18:00) 活動地點 good morning CLASS 九龍觀塘開源道77號 業發工業大廈一期 10樓 D室 對象 幼稚園K2、K3、小一、小二學生 費用 $299/位/每個主題 凡參加2個主題或以上仲可以獲贈呢本兒童手作書刊《超有型紙飛機》乙本(價值$133，內附96張手作印花紙)(但必須於同一份表格以同一位參加者報名參加) 不論參加任何主題，活動費用已包括：每個主題之參與證書乙張、活動期間製作之實驗品(約1-2件)及一位家長參與約15分鐘之觀課環節 查詢電話 3586 2822 Facebook: JOBS junior   (以上資料更新至文章當日)     Facebook專頁: 呀劍萬帥 kimfamilytravel   Blog網誌 : www.kimfamilytravel.com