盛宴！久仰大名！終於有機會嚟試下，既期待又興奮！可能因為之前一晚已經向晴晴預告咗嘅關係，佢第二朝晨咁早就起咗身喇！為嘅咪就係嘆豐富大餐囉！好多時見網上啲人比較澳門buffet邊間好，盛宴都列於名單之上，既然咁受歡迎，就真係要試清楚啲喇！我哋行程plan咗9點開始早餐時間，點知去到餐廳先知原來要排長龍，結果大概9點半先可以入座呀！^^''' 雖然delay咗，但都無損我哋拆大餐嘅心情，其後嘅行程一於食完先至再算啦！XD 座位在靠窗邊嘅位置，透入嚟嘅自然光令人好舒服。晴晴安坐等食，而我就當然去四出獵食啦！^o^ 首先睇睇麵包部先~ 晴晴好鍾意食包，可以話係包皇嚟㗎！XD 牛角包有兩款，分別係原味同杏仁味 長法包、提子包、無麵筋麵包...等多種包 方包可以放入隔離部多士爐烘番熱食，啱啱烘起嘅包搽啲牛油會好香㗎！ 原個蜂巢蜜糖不停滴住出嚟！勁新鮮囉！*o* 唔同種類嘅芝士，越深色我越喜愛~^^ 煙肉、腸仔、茄汁豆 廚師即叫即整嘅奄列，條隊都好長喎！ 跟住同大家睇下冷盤有咩嘢食啦！ 款式咁多，懶得逐一介紹，自己睇相ok嘛？XD 有啲食物都幾少見，唔係周圍可以食到，咩嘢都試啲囉！gogogo~ 水果有西瓜、蜜瓜同菠蘿~ 唔同口味嘅冰凍乳酪 煙肉火腿片就有三款~ 貌似pancake嘅東西，加少少配料，就變成南印度發酵大米+烏拉特煎餅喇！ 熱食方面都有好幾款，不過朝早習慣食得少，所以冇乜幫襯呢一part~ 印度咖喱 烤鴨 烤薯仔、三文魚三文治 烤蘑菇、烤蕃茄 秘製烤雞 白粥就幫襯咗兩碗，加埋蕃薯一齊煲嘅粥特別甜呀！ 仲有多款配料選擇添！ 點心有燒賣、菜肉飽同小籠包 一個個大木箱載住嘅新鮮蔬菜係用嚟煮粉麵㗎！ 廚師忙著煮出一碗又一碗嘅湯粉，呢條隊同奄列隊差唔多長，想食粉麵就要畀少少耐性喇！ 唔想等嘅話，大可以幫襯粟米片，唔多人，慢慢揀到啱都得呀！ 飲品有橙汁、菠蘿汁、芒果汁、西洋菜蜜等多種選擇，仲可以即沖咖啡、奶茶、檸檬茶添！ 去到最吸睛嘅甜品部，令人涶涎欲滴... 好多款呀！就咁望埋去都超過十款以上喇！Zoom埋去同大家睇真啲先~ *o* 菠蘿包、雞尾包、蛋糕、cupcake、鮮果酥、donut.... 真係想全部都試晒佢呀！^o^ 差啲漏咗，仲有沙翁、麵包布甸~ 即場烤製waffle，有多款醬料任君選擇~ 雪糕方面有朱古力、咖啡、雲呢拿、士多啤梨等四款口味~ 繞場一周後，有冇邊款啱你心水呢？我哋就太貪心，咩嘢都想試，結果攞咗好多嘢食番嚟呀！*o* 豐富早餐正式啟動！我哋唔客氣喇！~ 第一碟梗係揀啲輕擎嘢，開開胃先啦！ 跟住就開始加碼！我發覺原來好肚餓呀！XD 再嚟多轉中西合璧，開始飽肚啲喇！個奄列唔錯，唔怪之得咁多人排隊啦！ 好快就進入甜品階段，實在係太難以抗拒。最欣賞係鮮果酥，出去想再攞多個嘅時候已經冇晒.../_\ 晴晴至愛嘅菠蘿包呀！咳~ 咳~ 鍾意食都唔該請保持儀態~^^''' Waffle淋上朱古力漿+雲呢拿雪糕係我嘅至愛呀！食埋乳酪同水果之後，飽晒！大滿足！ 兩杯飲品顏色差唔多，但其實一杯係芒果汁，另一杯係菠蘿汁。好味美！為豐富嘅早餐劃上完美嘅句號呀！ 果然名不虛傳！盛宴食物種類多而且有水準。早餐已經咁豐富，有機會一定要嚟試埋晚餐呀！最欣賞嘅係甜品，簡直滿足晒我哋愛甜又多心嘅慾望。不過冇諗過餐廳受歡迎到要排隊入座咁誇張，如果有興趣去試嘅朋友最好預早少少到喇！小童以6-12歲計算，所以帶埋小朋友去食就抵好多啦！大家下次過澳門都不妨試試！值得推介呀！ 盛宴 Feast早餐自助餐：每天06:30 ~ 10:30成人每位澳門幣$228+10%；小童*每位澳門幣$100+10% 午餐自助餐：每天12:00 ~ 15:00成人每位澳門幣$248+10%；小童*每位澳門幣$100+10% FAT Tea自助餐：逢星期六、日 11:30 ~ 17:00成人每位澳門幣$248+10%；小童*每位澳門幣$100+10% 晚餐自助餐：逢星期日至四 18:00 ~ 22:30成人每位澳門幣$418+10%；小童*每位澳門幣$200+10%逢星期五至六 18:00 ~ 22:30成人每位澳門幣$468+10%；小童*每位澳門幣$200+10% *小童以6-12歲計算，五歲或以下免費 地址：路氹城望德聖母灣大馬路澳門喜來登金沙城中心酒店1樓電話：(853) 8113 1200網址：http://www.feastmacao.comfacebook: https://www.facebook.com/macaofeast FIND US on:      BLOGs: CONTACT US: