金金已經5個月大，即係我泵左5個月奶，除左bb陪我訓，奶泵都陪我訓，家陣可以講下奶泵啦！ 奶泵呢家野，過來人就會明白，到底要做幾多research先決定去買邊個泵！ 本人揀泵，有幾個重點: 1.帶得岀街，放完產假要返工 2.靜，唔想半夜泵奶嘈醒bb同老公 3. 配件少 ，多配件即係多樣野要洗 4.本人係死港女，大陸野咪搞 本人喺上奶後就買左個韓國泵，符合曬我要求，F1有按摩mode level 1-5, 然後就泵奶mode, level 1-10 我通常按摩10分鐘，就泵奶咖啦！(自動會彈mode, 30分鐘後會自動熄機, 盡量唔好泵過30分鐘，會傷胸)    Cimilre F1 個樣又唔衰，有朋友老婆s 用，大讚，咁就買左，佢啲配件完全同spectra 通用！不過個人認為佢靜啲，個樣靚啲，同好力啲！泵奶最緊要泵得清麻，否則易塞或奶量降少 本來相處得好地地。。。到第4個月，發覺越泵越少，決定轉泵。死港女話不能說太盡，媽媽group嘅媽媽力讚 - 優合，心郁之下，買個試試佢！    原來真係人夾泵，泵夾人，優合真係好得！奶量又返嚟啦！ 優合都係有按摩mode , 又係10分鐘後跳去泵奶mode (level 1-6) , 佢重有個仿初生吸啜mode, 有陣泵唔岀, 但係feel到明明重有奶，我會用呢個mode，又真係引到岀嚟！ 我啲配件依舊用韓國野，係個泵轉左個優合！ 最重要嘅係，對於返工嘅媽咪，lunch time 趕住泵奶加食飯，優合泵得又快又清！我用得好愉快！ 最後送上肥金金相一張，祝各位準媽媽極速上奶，長泵長有！