有得玩水？一定熱鬧啦！晴朗一向都好鍾意玩水，所以我哋特別喜歡夏天過澳門玩。今次去嘅泳池並沒有人造沙灘、亦沒有水上滑梯，但有嘅係海天一色同渡假風味濃厚嘅澳門鷺環海天度假酒店。好放鬆，一樣玩得咁開心呀！ 泳池對出就係一望無際嘅海景喇！嘩！感覺係幾咁心曠神怡呢？ 我哋落到去The Club嘅reception counter時已經興奮不已~ 登記過後，晴朗就好快手去揀水泡喇！第二樣又唔見咁醒喎！XD 呢度仲有好多游泳裝備提供，就算唔記得帶泳衣都冇問題呀！ 室外泳池共分為3個區域，分別係成人池、兒童泳池同埋按摩池~ 不如去試試個按摩池先囉！ 晴朗對於水中按摩感到好新鮮又搞笑，係咁話：「好痕呀！」然之後就咔咔大笑~ XD 笑個痛快後，就過咗去兒童泳池玩lu~ 玩法層出不窮，總之想點玩就點玩，開心咪就係咁簡單囉！ 夕限無限好，只是近黃昏，我哋要把握時間玩喇！嚟到成人池，池邊有梯級落水，水深至成人心口，所以小童一定要由大人陪同先好落水呀！ 一路橫掃過去，係一個呈「L」形嘅泳池~ 通往另一邊之間有幾道小橋，過嘅時候要小心唔好撞頭呀！XD 響泳池回望番過去酒店，感覺好悠閒寫意，咁先似係渡假加嘛！^^ 過完小橋就會到達成人池嘅另一邊，好大，環境舒適~ 池邊同樣設有梯級，小朋友其實係可以響池邊玩都冇問題㗎！不過當然要有大人陪住玩啦！ 對岸嘅池邊亦有梯級，一上去就有多張沙灘椅排晒響度，游得攰又可以上去抖下，我見有外國人攤在椅上瞓覺，呢啲先叫做享受生活呀！^^ 爭啲忘記咗我哋租嘅兩個水泡添！攞埋落水玩囉！gogogo~ 穿住水泡落去成人池度玩就有趣味得多喇！ 又要通過小橋，are you READY?? 冇問題啦！朗朗三爬兩撥就已經過咗喇！hohoo~ 晴晴就一於少理，睇佢雙腳都伸埋出水面，幾嘆？XD 晴朗不停交換水泡玩，又試下唔同方式坐上個水泡度，轉花式又可以玩得一大餐~ 總之，兩個小腦袋可以想出不同玩法，發揮出無限創意！睇住佢哋玩已經夠開心喇！ 繼續穿住水泡去到唔同池感受下，玩咁耐都仲未攰，我就已經開始攰喇！^^''' 但都繼續陪你哋過埋兒童池啦！最緊要開心！^o^ 差不多日落西下，涼風吹來都有啲凍，係時候要上水喇！ 正想離開泳池之際，畀晴朗發現咗個室內恆溫池呀！ 佢哋當然唔會放過任何玩樂機會啦！好快就穿埋水泡落水lu~ 啲水好暖，本來在外皮膚凍凍哋，都被呢個池溶化咗喇！ 隔離仲有個暖水按摩池添！ 暖水中按摩，好舒服、好放鬆！但晴朗依然係以玩水為樂，唔會坐定定去感受。小朋友無憂又無煩惱，自然係玩樂最實際啦！ 我哋上網book酒店嘅時候，已經被網站嘅泳池相片所吸引，嚟到現場親身感受同我哋想像中果種悠閒、relax嘅渡假感覺完全吻合。我同晴朗爸爸都好滿意呀！有時候玩得多大型水上樂園，都想返璞歸真，重拾以往那份最簡單、最真嘅感覺。小朋友好易滿足㗎咋！有水玩已經好開心！而我哋大人亦可以盡情放鬆，忘卻繁囂。呢度都可算是親子渡假嘅好地方呀！ 澳門鷺環海天度假酒店地址：黑沙海灘黑沙馬路1918號鷺環海天度假酒店電話：(853) 2887 1111網址：http://www.grandcoloane.comfacebook：https://www.facebook.com/GrandColoane FIND US on:      BLOGs: CONTACT US: