呢隻炸雞哥，訓醒突然識得玩腳指XD 未做阿媽前成日聽人講小朋友大得好快，而家只係做左炸雞媽三個幾月，睇住炸雞哥每日都有啲唔同，突然會有啲新技能，真係深深體會到小朋友真係大得好快。 老一輩成日講，唔好抱咁多，攬咁多，餵咁耐母乳...第時會好痴身(全部都係謬誤，都係睇小朋友本身性格同點教啫)，但其實小朋友會陪到你幾時，痴到你幾耐呢，到佢地開始返學，學識建立自己既人際網絡時，意味著佢地開始唔再需要我，到時想佢痴都唔會再痴喇，我地可能仲有幾個十年，但小朋友得一個十年架咋，過左就返唔到轉頭，所以真係要好好珍惜呢段被需要既日子。