話咁快蠔豉妹妹就3個月la~ 一開始我並無打算影new born相~因爲我覺得佢成嚿飯咁，我自己係屋企都影得！所以我keep住日日同妹妹影下相~ 點知，耐左我就發現...我成日都幫蠔豉同老公影靚相，而我同妹妹一張似樣啲既合照都無... 就係呢個時間，媽媽gp入面問有無人想一齊影哺乳相！我問都無問老公就go go go！   話明哺乳相，就緊係要影餵奶相~ 大家唔洗怕尷尬~因為攝影師都係女仔~佢自己都係餵人奶，所以唔洗怕 :p (真係影得好warm~不過我緊係唔俾大家睇啦~~)   如果你唔係餵母乳，一樣可以影親子相嫁~ 仲會有BB獨照~ (下圖為iPhone偷拍~)   上星期影完後，幾日就已經有得揀相~ 就咁睇原圖已經不得了！超級sweet~   由於個package本身好平(只係3位數！)，我諗住都係普普通通，點知！Sweet到爆！ 攝影師真係超級識捕捉BB既表情~   加上宜家蠔豉唔再係一嚿飯，好多時都識望下鏡頭~   本身個package包15張相，影得咁好，我緊係加多少少la :p   如果想影一啲有互動既相，建議BB可以2個月以上先影~當然仲要了解一下BB係食奶前定食奶後會精靈啲，同返攝影師夾下~   Facebook : 80後的人妻「旅」友  Instagram : https://www.instagram.com/wingring/ 邀稿 : wingring417@gmail.com / wingring@ymail.com