親愛的GoGo, 媽媽在此祝你歲半快樂,也謝謝你當我的寶貝已經一年半了 突然回想,你的出生好像才前早幾天的事 明明回憶中你仍是那個仍是一舊小粉團的 明明好像你剛剛才懂轉身，懂坐，懂企係度 但現在的你，卻是要媽媽在捉小馬騮的時間   有時對住你，真係好激氣 有時對住你，又真係好冧豬 有時對住你，成日諗點解我耍咁辛苦 有時對住你，先諗到因為你我先可以有堅持既動力   媽媽，對你愛係不會完 但，媽媽可以為你付出最好既東西也許也將會完結 一搭入歲半的那天,我發覺我可以給你的小甜品 已經開始愈來愈少，也許不能再給你當早餐了 因為有你，令我堅持努力了足足年半的時光去餵人奶 餵人奶不是一件易事，亦是一件好痛苦好難捱既事 回想初出生,每個半至兩小時就要餵奶 掃風，飲奶，擺番落床轉頭又要起身餵奶 大個左出街，老公唔支持唔鐘意出街埋身 又要汞又要拎熱水座奶，又成日喊...攪到街都唔敢出   當突然的乳腺炎,塞奶，當中既痛，當中既燒 辛苦過比人插幾刀，仲要好多野都要介口唔准食 仲有其他人既說話,眼光，真係會對媽媽好大打擊 但因為你既眼神,你自己要食奶奶既動作 係你令我堅持，我好想等到你跟說奶奶好好味 但係可能唔知仲有冇機會   係呢兩個月入面，我地番左間新PlayGroup 見到你係進步左好多，由其對於音樂既方便真係估你唔到  搖曬頭又好似識跳舞咁樣 上左PG 會主動去搵老師拎野,但係同樣係坐唔定 成日攪老師既其他玩具同東西 又係成日坐唔定,堂堂捉馬騮 不過又唔知做咩突然好驚水，唔肯沖涼唔識落泳池 真係攪左好耐仲要拎左玩具先可以哄到你沖涼 好彩一搭入歲半你已經肯主動去沖涼 仲要識主動拎肥皂去抹自己身 不過學識左自己關水喉,都唔知叫好事定壞事 小朋友你而家好似一隻Copy Cat 好鐘意扮媽咪做過既野 攪到媽咪而家要好小心講野,唔可以比你學到d 唔好既東西 係度總結一下,18 Months 既Gogo 有咩係識得架先 語言方面:識講A-G(但係D會成日唔見左) 當我唱左"Old MacDonald Had A Farm" 佢自動識接Er ar Er O 識得講爸爸,喵喵,wowo(狗仔),Bird,奶奶,餅餅(間唔使) 包包,婆婆(popo),姨姨,伯伯(爸爸?)媽媽(開始唔講) 波波,同埋無限既BB話   - 社交方面：如果訓醒/心情好時係主動同人地Say Hello , 但係仲未識同人Say Thank you/謝謝 叫佢會識同你拜拜同飛吻 - 指令方面: 叫佢坐定定,執玩具,拎野比人 轉圈 拍手 穿衣服 開關 洗頭 舉高腳 換片 洗手 都冇問題 - 體能方面:行得好隱,有時跑走咁濟,但係叫佢行前佢行後 叫佢向上走佢向下走,仲之就成日唱反調 自己肯行但係唔鐘意比人拖,同成日發好大既脾氣 唔鐘意就打人同用頭撞人 但係開始肯好肉緊咁攬住我地,又會肯大大力咁抱番我地 不過都係會跟人走左去囉,叫都唔聽 GOGO,雖然你只係歲半人仔,但係好快你就會進行第一場考試 就係去健康院打針同做考試,希望你順順利利可以到四歲先再番去啦 同樣仲有幾間N 班既面試都好快要進行 雖然媽咪唔係想做怪獸,但係有時條路唔係話唔想 就唔去行,我都想多少少時間陪你 但係....對唔住,媽咪比唔到一個好既童年你   愛你，十八個月快樂! 媽咪