早前皇太后話,近哩幾年不知何故,有左濕疹 始終年紀漸增,病痛都多左   尋日皇后我係皇宮入面無所事事 於是又玩下DIY整色整水 - 金盞花膏 但上星期既金盞花浸泡油仲未ready 所以用左個快捷版   金盞花膏簡介:   民間好多人都話,金盞花膏可以舒緩濕疹同蚊叮蟲咬 因為金盞花有消炎同傷口癒合能力   其實並唔係新鮮事,民間亦有過唔少分享 所以,參考幾篇文章後 就分享下今次我既製作方法   製作所需材料:   有機金盞花乾,有機初榨橄欖油,有機椰子油,蜂蠟球,有機薰衣草+茶樹精油   製作方法:   1. 先將所有用品清洗乾淨,然後以火酒消毒。       2. 將椰子油和橄欖油以50:50比例倒入一個玻璃器皿入面,然後開火;水滾後轉為細火,隔水加熱;加熱過程中不停攪拌,等椰子油同橄欖油完全混合。   3. 加入金盞花乾,細火煮30分鐘至1個鐘。   4. 以消毒左既分隔網,將油和金盞花分離。     5. 然後加入蜂蠟球攪伴直至蜂蠟球完全溶掉。   6. 關火,待稍微降溫至60度左右,最後加入精油,攪拌結合。   7. 迅速倒入已消毒好的容器中,大約15-20分鐘會變成固體。       完成後皇太后急不及待要試,然後立即俾左用後感 皇太后話我整得唔夠軟身,較難推開,而且精油味比較濃 但初試整色整水算唔錯喎! 咁下次再整色整水,我就要fine turn一下分量啦!   DIY整出來既金盞花膏,放陰涼處可以保存12個月呢!