入秋之後，乖寶被又乾又涼既天氣攪到口沙沙同小小咳。 乖寶媽媽見到咁樣就立刻煲番的止咳潤肺既湯水被乖寶潤一潤。 第1寶係-海底椰螺片湯 材料：海底椰 3粒，粟米 1條，紅蘿蔔 1條，白合 2粒，螺片 3片（或者螺頭 2粒），陳皮 1塊，南北杏 10幾粒，放瘦肉或者雞都得，煲1小時就飲得。 海底椰止咳化痰，加埋螺片/螺頭，會令成個湯變得滋潤，非常適合秋天呢個天氣飲。 第2寶係-冰糖燉陳皮川貝檸檬膏 其實呢檸檬膏係乖寶媽媽1年4季都十分喜愛既寶物，一有喉嚨乾乾想咳，乖寶媽媽就會立即整2更加蜜糖沖黎飲，飲完即刻舒服晒。乖寶都飲得，因為成份天然，純無添加劑，但乖寶飲既就吾可以加蜜糖（3歲以下既小朋友應避免食蜜糖）。