用左DWE已經接近1年半時間，森森林林也已經15個月大了。 對於要上班的我來就，我只有每天3至4小時對著孩子。日間大部份時間，就要靠婆婆同工人照顧，所以教識婆婆同工人用就非常重要。 參考顧問教的方法，我自製左個 schedule,比工人同婆婆看。工人負責做，婆婆監督。 DWE Daily Schedule – For Maid and Grandma 我將這表stick左在DWE櫃隔離的的牆上，及用彩print，等婆婆同工人都好易明白同可成日睇到。 基本上，工人同婆婆睇左呢個表唔夠兩星期，其實都觸摸到個模式係點樣用。 簡單說明: 工人有兩大樣野要做: (1) 播CD 森林起床時，約8點至9點，會即刻食奶，同時也會放wake-up songs。 2點係佢地既飲奶作午睡時間，放柔和輕聲的Spoken version或Fun with words，直至睡著，什至由得CD播完也可(因頭30min都係淺度睡眠時間，BB都會無意識下聽到)。 在日間其餘時間，都係玩樂及固體飲食時間。可播Story and Songs 或 Play Along，就好似酒店背景音樂咁，暴露在英語環境的時間愈長，就會對佢地收集詞彙方面愈有幫助，我自己希望森林佢地每天聽CD的時數累積不少於兩小時。 工人姐姐係通常係我叫佢做咩就做咩，在日間要上班的時間，唯有靠婆婆提醒佢。所以也要同婆婆同工人溝通清楚個目標時數。否則的話，就會愈做愈少，什至唔播了。 (2) 玩 TalkAlong Card 或 陪BB睇 Fun with words 在玩樂時間中，一天玩大概5張卡。森森林林在13個月時識得拉卡了，主導權從此放番比佢地，有時佢地會拉同一張卡10次，也由得她們了。自主的快樂學習也很重要呀! 在14個月時，森林操控點讀筆的能力大大提高了。佢地什至識POWER ON AND OFF, 按多一下變WIRELESS SPEAKER。所以佢地也自己可閱讀Fun with words，睇同聽有興趣的公仔了。 在1歲前，如要玩talk along card 同 Fun with words, 我真心覺得大人是很累的。雖然森林係孖，睇的玩的DWE內容係一樣，但通常要佢地兩個睇同一本書，佢地都會專心唔到，要不斷翻頁及撕紙，所以通常要分開睇書，大人要長期Hold住本書, 或者部機，手部也很容易酸軟哦! 工人姐姐每天做紀錄。 Remarks: 在第一張圖中，係Daily Schedule, 呢個Daily Schedule 會持續一星期(e.g. Mon to Sun)。然後，才會轉書或轉色。 譬如: 今個星期聽 Play Along 1, 下星期就會轉聽Play Along 2。詳情會在下面Overall DWE Schedule (By Age) 果度講講。 Overall DWE Schedule (By Age) 這個表，原意係想俾森林爸參考，但係我發覺叫佢在適當時間用適當教材仲直接過同佢解釋，所以這表就變左自己整來給自己看了。 Item 1 and 2 係工人同婆婆日間負責，Item 3 and 4 就係我同森林爸負責的。 0 – 2 months 剛出世，無論係我或森森林林，清醒的時間都好少。所以只放Wake up 同 bed time songs，等佢地分到日夜。多左清醒的時間，2個月倒，就加nap time放CD 時間。 2 – 12 months BB到3個至4個月大時，開始追踪媽媽的聲音同郁動的物件，視力也可清75cm的物件，這時玩talk along card 真是最合適的時間。在此前，2個月大，也可同BB玩卡，不過主力都係訓練佢聽力，所以talk along 卡一般都會建議用動物類開始。 此外，也會跟她們開始培養定時看書的習慣哦。看書時，我都不會跟著內容去讀，只會指給她們看，播著CD就好了。否則，佢地可能會學左我的不純口音呢! 這點可提醒工人。 在森林6個月大，開始有穩定的時間表後，我就將看書親子時間定在每朝8點食奶後。固定時間很重要，BB們知道自己每天都會做果樣野，變得自然，到時間，佢地就會拿書坐下，叫我陪佢地睇書。 連我自己都覺得每天都要做，否則，好似唔做唔安落。 12 – 15 months 森林識企同行幾步了，加入左睇TV環節，這係佢地摯愛!也是一天中大人覺得最安靜的時間。 其實由森林識爬開始(8個月到)，consultant就建議睇TV了。不過，我同森林爸都不想佢地那麼小開始看電視 ，一來有research講過睇TV會令腦部空白左，少左創意思考，二來TV太亮，好似睇住個燈擔咁。不過，考慮到DWE畫面係經過設計，鏡頭特別慢，所以，我地在佢地一歲時開始，更為此買左個projector比佢地，減低對視力的影響。 一個星期轉一次play along。由佢地睇到呆呆的沒有反應到依家手舞足道，常跟住做一些可愛的動作，真係感受到理解力提高左好多。 婆婆問點解佢地唔悶的，常睇同一樣的東西。是的，BB就係這樣子，真好。 下星期，15 months時要考n班，聽consultant 說，play along 2 and 3對這幫助很大的，希望有用! 15 – 18 months 行得走得階段，森林仲未踏入，第日再分享~