上次同大家分享左小JM既「睡眠習慣」及「睡前儀式」， 今次就要為大家解說一下「睡姿」！ （所以媽媽又可以出賣一下小JM既趣怪睡姿囉！ v(^^)v ）   小B的「睡眠模式」與「睡前儀式」： http://www.baby-kingdom.com/customer/bk/bkol/minisite2017/page_p2.php?id=1537   其實一講起「睡姿」， 可能大多數媽媽都會諗起同小B頭型問題比較相關， 但其實睡姿除左同頭型有關係之外， 仲同睡眠安全好有關連架， 所以都算係一門「小學問」。   睡姿大解放 普遍而言睡姿有三大類，分別為仰睡、側睡及趴睡   仰睡 意思指身體平躺，面向天而睡既睡姿 仰睡可以有效地令到全身既肌肉得以放鬆， 對身體各個器官造成既壓迫亦相對較低添架！   仰睡既好處： －    安全，及易於察覺，能降低小B們被被或外物遮蓋口鼻 －    造成既壓迫亦相對較低 －    方便觀察小B   仰睡既壞處： －    若嘔奶既話會有機會造成回流，而阻礙呼吸 －    若長時間仰睡會造成扁平頭型 －    小B較為難適應呼吸   溫馨小提示： 所以媽媽們係餵奶後要俾小B抖大概30分鐘或以上先好俾小B仰睡， 有需要既可以使用三角枕輔助，令小B頭部及上身抬高少少， 以減低嘔奶回流既問題。 另外，如果係小B既，可以用包巾包住小B，令小B覺得有安全感。     側睡 意思指身體打側，面向左或右邊而睡。 側睡對身體亦唔會造成太大既壓迫。 側睡對岩岩食完奶無幾耐既小B而言， 呢個睡姿就有效地防止回奶流入氣管而造成呼吸問題。   側睡既好處： －    可以減低小B回奶造成既風險 －    小B會有較多安全感 －    方便觀察小B   側睡既壞處： －    若被或用品太多，有機會造成窒息風險 －    若長時間側睡同一邊，會頭型問題喔 －    若小B未識轉身，危險性亦相對較高   溫馨小提示： 當小B側睡時媽媽要多加留意，特別係小B未識轉身個陣， 以免造成窒息或阻礙呼吸等問題。     趴睡 意思指身體及面部向枕頭而睡。 相對比起仰睡及側睡而言， 趴睡對身體各個器官既壓迫係最大， 對身體都你咁好架。   趴睡既壞處： －    容易造成窒息風險 －    不容易被察覺，未識轉身既話，危險性亦相對較高   溫馨小提示： 如果媽媽們見到小B有趴睡習慣既話， 不妨多花點時間去糾正小B， 等小B糾正「趴睡係可以既」既觀念。   小JM從小到大都係一個「懶訓豬」， 有各種唔同既趣怪睡姿， 有時甚至一訓醒連髮型都「SET好晒」添。   小JM每晚臨訓前都係以側睡來做「序曲」， 之後先會轉型做仰睡。 見到小JM訓到變成仰睡個陣， 我地就知道小JM已經訓得好淋， 我同爸爸就可以好安心咁去做自己野， 當然亦都會間中去「監察」一下， 睇下小JM訓成點同有無踢走晒啲被啦！     你地既小B們又會係點訓既？ 又有無趣怪好笑既訓姿可以分享一下呢？   接著落來就等媽媽出賣大、小JM啦！       ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬ ♩ Ubaby Magazine。駐站Blogger  ★ 傑。斯與晴  ♪ ♫ MyBB.com。 駐站Blogger  ★ 傑。斯與晴   ♬   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯與晴（Jolie Babe。小JM の 成長印記）