又一個滋潤清熱生津湯水 媽媽多數煲青紅蘿蔔湯都係加粟米去煲，今日改用鴨腎，味道提升之餘，仲有滋潤健脾之效。 材料: 1. 青蘿蔔 1個 2. 紅蘿蔔 1個 3. 乾鴨腎 2-3個 4. 西施骨 約25蚊 5. 蜜棗 2粒 6. 陳皮 1瓣 7. 南北杏 適量 做法: 1. 青、紅蘿蔔去皮洗淨，切塊。 2. 陳皮浸軟，去囊。 3. 蜜棗，南北杏洗淨。 4. 西施骨出水。 5. 乾鴨腎用清水浸10 分鐘，再氽水約 2-3 分鐘，將鴨腎切開。 (更容易出味) 6. 煲內注入約2.5L水，陳皮隨凍水落，其余材料待水大滾落。水滾滾十分鐘，轉慢火煲2.5小時，加鹽調味，完成。 歡迎到我地Facebook 專頁瀏覽:  www.facebook.com/MyBabyAustin