最近出街食飯，開始俾小王子坐high chair。 但基於皇后我係有d潔癖，總覺得出面嘅high chair個個坐過，都應該藏有唔少細菌。 而且最近手足口病呀流感呀又開始高峰期 早陣子皇后我就開始爬文,應該買咩消毒液俾小王子用。   市面上都有唔少選擇,但細看後就發現好多都含有酒精成份 而且有個幾出名既品牌(B字頭),於早幾年被消委會驗出有致癌物 令皇后我擔心用品對BB既安全性,所以又係時候DIY一下了。   今次係消毒搓手啫喱！ 材料容易買到,同埋做法都好簡單   製作所需材料: 金縷梅萃取液、蘆薈凝膠、維他命E油、茶樹精油   ????金縷梅係一種天然酒精萃取物，從金縷樹的葉子、花或樹皮提取，係一種比較溫和既毛孔收斂劑。 金縷梅主要成分為單寧酸、兒茶素、原花青素、類黃酮素等等，含有多種的抗氧化物。 具備有抗發炎同治療創傷功效，常被用於曬斑、皮膚過敏、昆蟲叮咬、挫傷、止癢和鎮定止痛。   ????蘆薈具有消炎殺菌、促進傷口癒合作用；營養保濕中氨基酸和複合多糖物質構成了天然保濕因素。   ????維他命E係一種油溶性維他命，亦係好好既抗氧化劑，常被用於乳霜同乳液中，兼具防腐及䕶膚功能，有效期可達 12個月以上。       製作方法:   1. 先將所有用品清洗乾淨,然後以火酒消毒,待封乾後可以用。   2. 將金縷梅同蘆薈凝膠倒入玻璃量杯,然後攪勻; 再加入維他命E攪勻。   3. 跟住加入茶樹精油。   4. 攪勻後倒入事前已消毒封乾好的唧唧樽內就完成。       記得每次用之前先搖勻啊!