早幾個星期去做產檢先知，原來自己唔符合係公立醫院照結構既條件（真係太大意喇！）係20Weeks先急急腳去Book 照結構最好係19-22Weeks內去照，因為BB既器官同Size都差多成形，可以檢查得好清楚。 照結構之前上網都不停睇左好多Comment到底個醫生好唔好，即使係好有經驗既醫生，都會有好多唔好多睇法，所以到自己揀既時候都會心大心細，唔知揀邊個好，比自己BB當然想比最好既佢啦！除左揀醫生專唔專業之外，媽媽們都會擔心檢查得齊唔齊，只要記得以下要Check既野，即使個醫生評價好壞參半，但都可以確保到BB既健康！ 1. 手指腳指齊唔齊 2．有無兔唇 3．心臟4個心房齊唔齊 4．腎、腸Size正唔正常 4．骨骼發展正唔正常 5．胎盤位置、羊水足夠？ 6. BB Size 7．仔定女 而我自己最後係朋友介紹下，去左孫錫鴻醫生到照結構。去之前都見到有評論話佢無以前咁好，所以我自己都準備左 要注意既野，以免真係漏左可以即刻問醫生。最後， 孫醫生真係好細心好搞笑，檢查得好好！入到黎就同我地講：今日開估係仔定女啦！佢好犀利咁一照就照到係女仔。仲好細心咁同我地同一個器官睇左兩次，確保無野甩漏。最後都只係想聽到醫生講既：BB同媽媽都好健康，放心啦！（如果對於孫醫生有咩想知，都可以Inbox問我啊！） 同大家分享下個日影既4D相，好可惜囡囡遮住左個樣唔比我地睇  最後希望各位媽媽同BB都會健健康康！！ 歡迎媽媽們一齊交流／了解更多90後做媽媽既點滴！將會有更多有趣，扮靚、健康、育兒等等既心得分享！ Facebook：https://www.facebook.com/90sMummy/ Instagram: https://www.instagram.com/minarainlo/