蠔豉妹妹已經3個半月了~我既產假都終於完了...真係十萬個唔捨得...宜家就回顧一下之前用黎呃like既甜點啦~   滿月-曲奇餅花花 蠔豉妹妹滿月之時，就係我放監之日！緊係要好好放鬆一下~ 由於坐月期間無得四處走，要搵靚甜點呃like就緊係上ig~最後揀左呢間~   我覺得都幾靚~不過就偏硬，但都有牛油味~ 曲奇花都係好睇就得~會食既人應該只佔少數 :p   滿月-草莓拿破崙蛋糕 好友們買的蛋糕！好好食！好脆~ 食拿破崙就係要脆，千期唔可以淋！ 吉士醬唔會太漏，士多啤梨又唔酸~個人覺得絕對值得回購！ 可惜呃like能力偏低~個樣好普通 :)   滿月-迷你貓咪雪糕蛋糕 無錯，一個滿月，食足3樣甜點。其實只係作為媽媽既我超級想食雪糕！仲要係貓掌喎~作為貓奴點引？ 最重要係，只係$38！仲要好食！大佬，去邊搵？ 又呃到like~又好食！   雙滿月-雙層貓貓蛋糕 由生之前我最期待就係雙滿月party~呢間ig cake shop我已經幫襯過幾次~ 每次我都超級滿意！蠔豉妹妹既party由於帶唔到2隻貓貓出席，所以就勞煩店主跟住designer既圖將佢變成曲奇插係蛋糕到lu~ 唔好以為咁靚就味道一般！全部賓客都feed back話又靚又好食！我揀左oreo味，真係勁好食~又唔太漏！ 最後成個蛋糕俾大家掃晒！好彩契媽醒留左一份俾我，有賓客聽到其他人勁話好食但又無得食表示好失望 :p 下個月朋友仔既bridal shower 又係搵返佢訂，你就知我有幾推薦！   雙滿月-Macaroon Tower 同雙層蛋糕同一間ig cake shop~ 唔太甜，又係呃like必備~仲要有花花，超靚~   雙滿月-cake pop/mini cup cake 呢間係朋友介紹，係ig好受歡迎的~ 味道正常，不過價錢都比較平，所以都ok~ Show出黎都幾靚~一口一個~   百日宴-木馬蛋糕 明眼人一睇就知係邊間啦~我都唔洗點介紹，真心靚到爆！現場睇更靚，個個爭住同個蛋糕影相！奶奶都好滿意！ 味道都ok~唔太甜，不過比較實淨~如果仲有機會搞大型party會再考慮~   百日宴-mini dessert 因為唔想又要mini cupcake，所以就搵左呢個法國品牌既mini dessert~ 雖然呃like能力一般，不過超快俾人掃晒！我估放出黎15分鐘已經去晒大家個胃到 :p (搞到連close up都未影已經消失...) 好好味！好彩契媽又默默留左一俾我~下次party必回購！   雙滿月/百日宴-Candy corner 2次party我都有準備candy corner~百日宴因為多小朋友，所以清得晒，2次我都係屋企附近既舖頭夾糖！每次都只係夾左大約$120，已經好夠食，比起一出名既糖果店，我呢間真係抵到爛！$3.9/100g~買到傻都唔肉痛~   每次見到靚既甜品真係好開心！不過要好食又好睇既真係只佔少數，好彩上面介紹既大部份都好味姐~   Facebook : 80後的人妻「旅」友  Instagram : https://www.instagram.com/wingring/  邀稿 : wingring417@gmail.com / wingring@ymail.com