啟思係最近我屋企而且係happy school！所以我放係次選！首選係靈糧但藍田個間報唔到所以報鑽石山！好多人話返靈糧開心到連星期日小朋友都想返！所以覺得好有興趣！   終於到啟思面試，3:00！今次無叫老公而且我只早左10分鐘到！因為我仔係屋企慢慢慢慢行過去原來都要差不多25分鐘..... 今日我仔好合作地排隊！交左錢坐左5分鐘就叫名出去班房個別見啦！入到班房自己玩左陣老師就呤個箱過嚟同我仔玩啦！問左名我仔好清晰呀答得，之後仔仔見到有波波老師就同佢碌嚟碌去，碌左幾次老師想玩第二樣野但我仔停唔到.....係咁話再嚟接住呀！碌左大概十次都有.....老師呤左隻狗問仔仔係咩，我仔答到汪汪！但我仔見到蘋果佢指住，老師呤比佢，佢就又碌比老師，仔又見到橙又指住老師又比佢，佢又碌返比老師！碌左兩三次我仔見到蕉指住話蕉老師就拎出嚟再拎個包出嚟話汪汪想食叫我仔餵佢，我仔好快餵完隻狗又將所有野碌比老師！老師話蕉同包都碌唔到但我仔叫老師接住，所以將包同蕉掉比老師.....我心諗依家玩咩..... 老師呤左條毛巾出嚟問汪汪食完野要抹咀叫我仔抹，我仔好快幫佢抹完話要抹埋手，老師話咁要抹鼻，我仔抹晒4隻手腳再抹鼻，老師叫抹耳我仔都好快！但之後我仔見到隔離枱有波波就呤埋比老師... 仲企係老師隔離玩！老師拎左圈圈叫我仔圈返入支竹到由大至細！老師係隔離講顏色，我仔識大至細但唔識顏色，所以好快完成！之後老師再呤晒出嚟想唔跟大細跟老師講既顏色但我仔已經要玩第二啲野....所以老師只好唔問顏色！但叫我仔執好啲野我仔無執！老師呤左盒積木由大到細疊我仔好high,每拎大既見到細既都哇哇聲，唔知有咩咁驚訝！玩左6次......驚訝左6次！老師收返埋想我仔睇書分動物，我仔好快同埋所有動物加個「囉」字............之後老師比我填份野寫上下晝讀咩就走得！byebye左好多次老師就出去戶外遊樂場玩左陣返屋企！ 我非常鍾意呢間學校既老師！因為面試個老師笑容好好同埋轉數非常快！希望收我仔啦！