唔發火當我病媽 https://www.facebook.com/angrymami/ 【我是憤怒】 每次有人作勢想摸/捏/搣我仔塊面，我都會重複又重複呢幾句... 唔好摸我個仔... 不如洗左手先丫？ 小朋友有皮膚敏感唔摸得... 不如唔好摸喇...... (然後直接逃離現場) 講到口都乾埋，講到我爭D想掛個牌係個仔心口.... 小朋友有皮膚敏感，試過俾人摸到生粒粒，亦聽過N咁多次唔洗手亂摸細路好易出事。你都唔會摸街上面D人塊面啦，更何況小朋友，有D常識有D禮貌好唔好？ 你好聲好氣同佢講，有D又覺得尷尬，有D直頭反個白眼同你講「有無咁矜貴呀？摸下都唔得！」點呀家下，你無聊摸兩野小朋友有事病左皮膚敏感生粒粒係咪你照顧？你知唔知平時照顧2個細路幾辛苦幾多野做你仲要加重我負擔？我係咪要因為你想你鐘意就由得你摸我個仔唔可以出聲先？ 最嬲既係，你個仔有咩事起上黎呢d路人甲又會話你周圍得唔好... 偏偏最中意亂咁摸我個仔果個就係我奶奶(同埋我奶奶d fd)，明示暗示講左十萬次，佢都係會煮完飯切完肉、出街番黎等等令老母崩塌既情況下摸我個仔，呢個時候唯有金精眼火睇住然後默默咁幫佢抹下手仔面仔...   #係啦你又話我怪獸家長啦 #病左又話我呢個做呀媽既照顧不周 #係咪有咩事你照顧呀 #做人呀媽甚艱難