終於到靈糧面試，今次其實唔係好緊張，因為好多人話最易！ 其實都叫易因爲唔洗問父母野！但老師會拎住份野寫寫填填！所以都好大壓力下..... 今日帶埋老公去，因為我聽好多人講你一入去老師就會開始寫，所以叫埋佢去！早左3個字到排隊都尾4！個個都好早到！排隊上去交表痴 label 坐底聽下大概流程！我地揀左近魚缸既位坐我仔先坐定定睇魚！ 之後就排隊入課室玩啦，當然我仔玩完一樣勁快走去第二度玩，又咁啱揀左啲難既砌唔到又走去第二度！老師會睇表現又會個別問下小朋友野！之後跟號數排隊去第二個活動室玩！ 一個老師跟全程！問名問歲數問同邊個嚟，無問題！之後去爬樓梯但無滑梯滑既我仔爬完問滑梯無左既？我覺得好搞笑！之後去玩車！推車，呤左人格車！但會跟線行！有問佢車係咩色但我仔聽唔到無答繼續跟線行！之後無推返好格車就走左去第二度！行左一陣走去扮洗手就去玩薯蛋頭先生，老師叫佢插好眼但我仔調轉左，叫佢插好鼻佢拎左對腳.......好快鍾響！老師比左貼紙就排隊去唱歌聽故事！ 聽故事呢個環節我真心驚！真係.....唱歌都ok,有跟跳但故事聽到一半......聽到可以畫畫就瘋了.....係咁問我拎紙筆...我話假架用手指可以，佢都唔肯聽！仲行嚟行去企上櫈，老公突然電話響仲傾左兩句.....個下我就覺得無望啦！因為老師係咁係後面寫寫寫寫寫！ 聽完故事就走得啦！ 我仔要叫先同老師hello,同人byebye...... 今次真失敗！ 但我自己好鍾意靈糧！覺得啲老師個個都好好笑容！ 仲有兩間我就唔去面試啦！都唔係心水！如果無間收睇下敲門或者再下一年做大b啦！