唔發火當我病媽 https://www.facebook.com/angrymami/ 【到底係我湊仔定你湊仔??】 除左老爺奶奶同埋(偶然)自己老公之外，最令人炆既應該係D路人甲 ???? 次次出街，無論識既唔識既，同你講野硬係要批評一下你個仔，話你個仔太瘦/太矮/太細粒/食咁少野架/做咩食呢D野/做咩拖住佢行/做咩放佢上BB車唔俾佢行等等 試過有一次有個師奶同我講 「哇，乜你個仔咁高架！」 高又關你事？？？？？？？？？？？(黑人問號)  聽到呢d，初為人母既我有時都會擔心同自責一下，覺得係咪照顧得佢唔好，係咪唔健康.. 不過聽得多d無理既批評，就會無名火起，你知唔知你無聊既一句批評，會有幾多媽媽玻璃心左認真左，暗暗覺得自己做錯事？ 我個仔我都未有意見，關有咩事，你之前點教仔又關我咩事？唔通一個呀媽會想害個仔咩？ 一個呀媽平日執屎執尿，照顧個b同一家大細起居飲食已經夠辛苦夠大壓力夠多野煩，仲要聽埋呢D風涼說話，係咪嫌呀媽我唔夠大壓力，到底係我湊仔定你湊仔？不如你做埋我果份呀，我又唔見得你湊得好好。 善意既意見我多謝你，但無聊既批評， 唔該一人少句，放過我呢D做呀媽架啦，OK?