黎緊天氣越來越凍 而且年尾越多越多節目活動 緊係要幫寶寶打扮得好吸睛啦 雖然望埋去好似好困難咁 原來自己做都好容易 而且仲經濟好多 成本唔過20蚊人仔 最重要係當中包含心意真係無得輸 Diy材料及工具都非常簡單 完全唔識針織都唔成問題 (岩哂我依種手殘媽媽) 工具方面 只需要準備燙斗一個 (相信每個家庭都會搵到) 材料方面 冷帽一頂 英文字母燙章 喜愛的公仔燙章 (以上三樣偉大的淘寶都能夠搵到) 帽方面我揀左兩款 因為第一次落手整  試整心態就平平地買左幾蚊頂黎試一試 我買左兩款 一款係Bb款 另一款係小童款 Bb款買左四隻 整比幾個月至一歳 小童款整比一位四歲小哥哥 淘寶有好多唔同款剩色同橫紋都唔錯 但要留意個質地岩唔岩燙章 棉同冷我試過都做到 我買依幾款都無問題 我再跟據個人喜好買左幾個卡通燙章 仲有英文字母 記得留意字母尺寸 太大就唔岩用 依款2cm左右岩岩好 字有三隻色  卡通燙章有好多款  係淘寶一定搵到岩你心水公仔 過來人分享：擺位時字母之間距離不能太開 我第一次擺位時 將字母之間保持距離 擺位時確係靚好多 但實際帶上頭仔時 會將帽仔拉大左 令到距離更加闊 望出黎就唔好睇 好似下圖咁 最後我夾硬扯返出黎 但頂帽已經痕跡(哭) 經過修改後 下面幾款係完成圖 每一款都係按小朋友喜愛或有意義圖案去整 咁多款成品中自己私心好鐘意下面依款呀 帶上頭仔真係好靚  依款係我做比滕滕 果時大約4m左右   依家12m都仲岩帶 今年又可以拎出黎用 ---------步驟-------- 因為整冷帽過程無影低 所以今次整小皇冠時影返  依款小皇冠都係幾蚊人仔 用黎百日宴或生日或影初生相都好搶眼 整將頂帽平放係燙衫板或者平穩位置   預先將字母按自己心水擺好 將燙斗預熱 我扭去棉質位 準備一條小毛巾 燙章時將毛巾放上面才落手 大約按壓五至十秒 再抽開毛巾望望痴得實唔實 未實就重覆步驟幾次 直至痴實為止 真係易過借火 睇下滕滕成個小皇子咁!!心心眼!! (每個媽媽都是戀子狂) 各位媽媽可以發揮自己小創意 為寶寶們送上一份小禮物   想要帽同燙章Link可以留言或Pm我 如果有其他問題都歡迎inbox或留言  有時間入黎Fb比個like我地呀 -------------------------------------------------------------------------- 聯絡我們 - allaboutqq@gmail.com 有時間入黎面書比個Like我地啊 - 「育」滕滕 不定期都會出淘寶開箱及育兒分享 多謝收看