好多事，自己唔經歷過唔會明白，亦唔會體會咁深。一畢業有左BB仲開始返工，好多關於孕婦既勞工法例都唔係太清楚，唔係到發生係自己身上，都唔會主動去了解有咩係可以保障到自己。所以都希望各位在職孕媽媽了解多一啲！ 首先，先講下大家最緊張既「產假」，其實只要係你間公司做夠40個星期（十個月），而又有同HR出示返懷孕證明既醫生證明書，就會享有「有薪產假」。但如果係未做夠40個星期，就只會享有10個星期既「無薪產假」。 關於「產檢」問題，係好多報章同論壇都見到媽媽們有遇到唔公平既事。係平機會既報告到指出，有6成既媽媽因為去產前檢查，但唔被計算作病假。自己都不意外地遇到呢件事，仲要話我只係檢查唔係病，唔會比病假我。雖然產檢好多時都唔需要用晒全日，但頻頻撲撲，又要抽下血，驗呢樣個樣，個人都真係好攰。 勞工法例係產檢一事上，都有保障到一班媽媽。因為產前、產後檢查而缺席既既日子，有適當既醫生證明書，講明個一日需要病假一天，就需要當作病假處理，個日既工資亦會出返5分之4。前題，你要有累積足夠日數既有薪病假先會有錢。緊記！一定要拎醫生紙，到診紙唔係間間公司都得架！   如果你係無「有薪產假」，產檢Claim病假一事，亦唔會有影響，因為兩件事係分開，唔會互相影響。 曾經都聽過有媽媽分享，係未過試用同老闆講有左BB，第2日就即刻比人炒左。係未過試用期既時候，公司可以好多唔同藉口去解僱員工，大可以話工作表現唔好所以要解僱。未過試用期既你地，最好都係過左先好同上司/老闆講。而講既時候，最好都要有白紙黑紙做record，萬一口頭講完，公司唔認數又可以有藉口因工作表現而解僱，講完都係補返個Email會比較好。 如果遇到唔公平既事，千奇唔好怪責自己，亦唔好退縮，因為你仲有一班媽媽同寶寶支持你！要Keep住一個正面、平靜既心態去面對。 詳細及資料來源：http://www.labour.gov.hk/tc/faq/cap57h_whole.htm 查詢熱線：2717-1771 歡迎媽媽們一齊交流／了解更多90後做媽媽既點滴！將會有更多有趣，扮靚、健康、育兒等等既心得分享！ Facebook：https://www.facebook.com/90sMummy/ Instagram: https://www.instagram.com/minarainlo/