已經唔知第幾套，總之見親沖涼BB, 醫生BB, 飲奶BB都嚷著要買。於是屋企同一系列的BB, 大中細碼都有幾個，沖涼的玩具浴盆又幾個。 雖然明知小朋友只係貪新鮮，可能玩兩玩就放埋一邊，但為搏紅顏一笑 （加上唔係好貴），依然會一邊咕嚕，一邊排隊俾錢。 大部分小朋友都貪新鮮，其實唔單止玩具，進食情況都一樣。 差不多食材，如果能做出不同菜式形狀，賣相吸引多變化，固然之有助增強食慾。 但如果似我，多數靠工人姐姐煮，不能要求色香味賣相俱全，那可愛別緻的餐具，亦有助增加小朋友進食的興趣。 以前未有小朋友，屋企餐具越簡單越好：兩對木筷子，兩刀兩叉兩匙，從不換購卡通餐具，亦最怕朋友送贈。 但自從有了小朋友，見過他們因爲有新餐具而吃多幾啖，從此屋企定時會補添可愛的卡通餐具 （當然亦因損耗量大，膠匙平均兩星期折斷一隻）。 所以小朋友偏食原因有許多，做父母的，不需過份憂心。多點創意，或許又可成功令小朋友食多幾啖。 FB: https://www.facebook.com/AnnieLeeDiet #貪新鮮 #偏食 #如何增強食慾 #公仔BB #營養師 #Nutritionist #AnnieLee