轉眼間,小王子9個多月大了。 自問皇后我並唔係虎媽,只希望小王子可以係快樂環境下成長。 眼見身邊已有唔少媽媽,已緊張地開始為BB準備報playgroup呀N班呀咁，周圍問邊間好 皇后我仍然懶懶閒 :P   報playgroup 又好N班又好 應該站在BB角度出發點為佳 有媽媽會問，即係點？ 即係先了解自己BB嘅需要   個人認為，媽媽們首先要唔好盲目跟風 千萬不要抱住人報我報嘅心態 請先了解BB係咩性格，然後去決定報定唔報都未遲。   "沒有最好，只有適唔適合！"   小王子屬於比較好動型，唔怕醜，坐下地鐵都可以撩對面嘅大姐姐玩 所以皇后我根本覺得唔需要緊張為小王子報十萬九千個playgroup (誇大數字啦:P)  但我都會安排一兩次俾小王子試玩下，等佢見識過就算了。 相反，BB如果係比較怕陌生的，就不防多安排playgroup 哩類活動啦！ 等佢地多接觸唔同年紀嘅BB，希望改善佢地慢熱嘅性格。   至於N班，皇太后就建議幫小王子報讀。 一來希望小王子可以慢慢適應學校生活，然後升讀K1會更容易適應 二來皇太后又可以輕鬆一下，因依家小王子實在太活躍了 皇太后幫忙照顧會有點吃力，始終唔係年紀輕嘛！ 所以稍後時間，皇后會花點時間做一下功課 應該為小王子揀邊一間學校最為適合。 大前提係以玩樂嘅為準則，我並唔希望咁快要小王子活在壓力下成長。   其實咁細嘅BB，係認知同記憶力有限嘅情況下，自己做左乜都會唔記得啦！ 所以媽媽們又唔洗太緊張為BB報playgroup N班嘅 除左playgroup N班，其實閒時都有好多免費活動架! 夏天陽光普照時，帶BB去沙灘玩下沙 秋天天氣好，有時候又帶BB去公園野餐，坐下草地 有時候帶BB去下公園玩滑梯 BB已經好開心好滿足，因為BB世界好簡單 係一張白紙，所有野對BB黎講都係好新奇   同埋最緊要係，BB有爸爸媽媽陪伴著，唔理做乜野都係幸福快樂嘅時候！   《讚好/LIKE 菠蘿油皇后Facebook》