蠔豉妹妹4個月大啦！ 我都由一個人妻成為一個人母足足一年~(由我知懷孕到宜家 :p)   係我24歲嗰年，我係超級想生bb~ 覺得有bb先係結婚既理由~所以，25歲嗰年我嫁了~ 25歲既我，除左結婚外，我擁有了2位主人(貓咪)~ 嗰一刻，我同老公都覺得有主人都好足夠~佢地2個就好似2個永遠不會長大既bb咁 :)   話咁快就過左幾年，開始諗，係咪應該要係30歲前生返一個，令到家庭更完整？ 不過我咁任性，自問無乜母愛~又鐘意去玩、去旅行~ 所以都係打算真係30歲先再算~ 點知，上年係完全無planning既情況下有左蠔豉妹妹！ 呢個surprise打亂晒我一整年既planning... 不過，人生就係咁，點會樣樣都跟足計劃~   就係咁~我就開始左一份無得離職既工作 :p 本人都算係超級理性派~基本上無科學跟據既野我都唔會理~ 陀緊既時候，我除左軟雪糕同魚生外，我真係乜都放落口~ 個人係覺得均衡飲食好重要~   生之前我一早已經同老公講我係絕！對！唔！會！放！棄！工！作！ 所以我係諗都無諗過要辭職湊女~ 而且都係打算一年去幾轉旅行，2人世界一下~ 我以為，我唔會母愛氾濫... 點知，生左蠔豉妹妹後，變得最多既就係我 :p   以前，我m痛已經覺得好痛，捱唔住... 但我竟然揀左順產，仲要忍到唔打止痛！   以前，我係一個三分鐘熱度既人... 但宜家都默默繼續餵人奶，就算塞奶幾痛都好，一諗到蠔豉既健康，幾痛我都要捱過去！   以前，我成日約fd出街... 宜家，我一個星期只係想出街1-2日，其他時間我都想陪下屋企人~   以前，我9成買野都係俾自己... 宜家，9成既野都同蠔豉有關~   以前，拎少少野都嫌重... 宜家，拎住一大袋再孭住蠔豉出街我都唔覺重~   不過，每一日我都會提自己唔好太緊張、太在意蠔豉妹妹~ 因為蠔豉妹妹既人生係屬於佢既~ 我既角色係扶助佢~唔係控制佢~ 我可以做既係佢跌倒時扶佢，而唔係盡量唔好俾佢跌低~   蠔豉呀~蠔豉~ 以前既我活在當下，我覺得我都無乜遺憾事，就算呢刻唔再係世上都無悔~ 宜家既我，唔想咁快離開呢個世界，因為我想睇下蠔豉大個係點樣~ 我想見證蠔豉既所有事~   好啦！講到呢到，我除左想lala聲返去抱住蠔豉妹妹外，仲想攬住阿媽~ 因為我知阿媽都一樣好愛我 :)   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring/  邀稿 : wingring417@gmail.com / wingring@ymail.com