系太太（老闆）初初懷孕時，我認為自己能夠做的就係陪下佢檢查，睇下bb 野，做下家務就可以等於盡左力。 不過而家踏入halfway 階段漸漸發覺準爸爸可以做更多（準爸爸們唔好誤會我頂爛市），咁又可以做d咩野呢，最簡單由居、食、住、行著手   居。孕婦隨著肚子越黎越大佢地起身出入就不方便，起身落床或上床扶住佢側睡（因為有時阿b會頂住另一邊媽媽會感到好頂住既感覺），一般家頭細務當然走唔見甩啦。   食。屋企以前都唔多公仔麵同罐頭，老闆懷孕後更加絕跡悿，我會選擇走去759買一包十個既米粉或大包通心粉，跟住另外煮個湯底比老闆食，坦白講係幾煩又多時間成本又貴左...但當諗深一層都好既，老闆食得健康，盡可能望佢同防腐劑分隔異地，阿B又吸收（每次聽到老闆食完阿B就周身郁時...咩都抵啦^^）好多時孕婦都要戒好多口，尤其有老一輩時就會更加多傳統潛規矩，不過我地大多一於少理，但有幾樣野我地都有共識有一定既防線，如魚生，雪糕，咖啡等..！我會偏向注重老闆心理層面，好似食朱古力咁，好多人都話盡可能唔食，但我會適量咁比佢食，好簡單..我要佢又理性又開心，佢開心就足夠，對老闆好d阿B系入面游水都自在d。對嗎！？   住。一般家務雜務都係一樣走唔甩嫁啦 ！另有樣野就真係久唔久都要做下，按摩！ 唔洗大力唔洗多，真係按下就可以，放低一陣部電話，睇住電視輕輕按10-15分鐘，試諗下你10至15分鐘可以帶比太太無限嘅慰藉，又係咩都抵番晒。   行。我既定義為出街時想實際情況，扶佢上落拎袋呢d就基本野啦我相信正常都會做（*正常），望太太上落樓梯唔多唔少都會擔心，唔擔心佢跌都會怕d盲頭烏英撞到佢，睇緊d囉（但唔好太緊張，因為太太都會感到緊張。   好多人話有左家庭有左小朋友就好似改變左一切，孩子氣、被寵、大少爺、任性地想玩就玩等等，其實的確改變左我地（準爸爸），一切變得更具責任感，更有擔帶，因為系子女眼中，我們就是榜樣。 執教（執著） 倒不如身教   純粹個人感受輕輕分享 不喜勿（罵）