媽媽們對「學習碗」應該唔會陌生， 「學習碗」係小Baby們學習自己進食時扮演著好重要既角色， 當然亦唔少得食飯圍兜、兒童餐具等用具既配合啦！   一個好既學習碗除左可以幫到小Baby食野之外， 仲可以減少媽媽係餐後清潔既時間添。（哈哈）   基於小JM用開既飯碗唔方便用湯匙去潷飯， 成日攪到啲飯四散咁，有時潷起個陣仲彈到自己， 結果攪到餐椅、圍兜、地下滿滿都係飯， 學習食飯係會攪到周圍都係，亦係預計之內， 但我地都想小JM可以食得乾淨啲，唔好浪費食物嘛。 小JM用開既碗仔係細碗，佢亦都已經知道點可以拎起， 所以倒瀉飯都唔係未試過。   就係我同爸爸頭痛緊買咩新碗俾小JM個陣， 就咁岩見到MyBB.com有試用學習碗活動， 於是乎媽媽又去參加一下啦！ 其實係未收到通知有份試用之前， 我已經同爸爸傾緊要買一隻大隻又易潷到既飯碗俾小JM， 仲搵左幾款來做比較， 而 eLIpse Kids Bowl 剛好亦都係我地心水選擇之一， 所以我地都好開心可以參加試用。   今次小JM試用既學習碗係 「eLIpse Kids Bowl (易極) 防溢防滑幼兒學習碗」！ 我地一齊睇下eLIpse Kids Bowl 有幾正啦！ eLIpse Kids Bowl小簡介： －    美國設計，新加坡製造 －    有美國FDA認證，使用高級食品級初塑料，絕不含回收塑料 －    不含雙酚A及雙酚S     eLIpse Kids Bowl 12oz 12oz學習碗都算幾大個，係屋企用岩晒。 唔駛再為小JM分開兩次裝飯餸。 而12oz碗既底部係有吸盤設計既， 可以有助固定學習碗，防止潷飯個陣個碗會走左或者倒瀉。 碗邊有設有弧型防溢位， 可以幫助小B更易潷起碗中既食物， 而且更可以防止食物會跌出或溢出碗外添。   eLIpse Kids Bowl 8oz 8oz 學習碗雖然碗仔細細，但同12oz分別不大， 但勝在出街都用得，仲可以用來裝小朋友零食添！ 8oz 學習碗唯一不同之處係碗底既防滑設計， 雖然無吸盤底，但碗底內置左務滑膠邊，一樣可以防止碗仔跣來跣去。   學習碗底部及碗蓋部份會印有eLIpse Kids字樣及各個清洗標籤， 仲有註明係新加坡製造架！     小JM就用左12oz碗來試食飯同燴意粉，效果都算唔錯呀。 一齊去片睇下效果如何！ https://youtu.be/3N12okkGs50   媽媽就覺得好滿意，至少唔會潷起個陣就潷到瀉晒又食唔到， 同埋最緊要唔好浪費食物嘛。     小評分： 產品品質：＊＊＊＊ 美國生產，新加坡製，有品質保證 而且品質耐用，不易變色變型 跌左落地都唔會爆開   產品款色/顏色：＊＊＊＊＊ 顏色有多達八款可以供選擇，緊有一款岩心水   吸盤力度：＊＊＊＊ 吸盤底面積較大，小朋友需要用力先有機會整得起， 所以有效減低倒瀉食物既機會。   弧型防溢設計：＊＊＊＊ 弧型設計比較明顯，可以使小B更易掌握用匙羮潷飯既感覺及技巧。 減低潷瀉飯或潷左落身既發生。       ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬ ♩ Ubaby Magazine。駐站Blogger  ★ 傑。斯與晴  ♪ ♫ MyBB.com。 駐站Blogger  ★ 傑。斯與晴   ♬   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯與晴（Jolie Babe。小JM の 成長印記）