之前去荃灣，最多去就係行吉之島一田 或者加多個千色同南豐中心， 但係有左GOGO 之後，愉景新城真係係一個天堂 地方夠大，小朋友野東西夠多 佢地既轉型轉得好好，令到一個死城變成一個天堂 起碼連我地呢對新手父母都會成日帶仔黎玩下嗎   不過今日我就唔係分享愉景新城， 而係我想帶大家去食好西 話說之前去完旅行實在太攰冇點帶阿仔番婆婆度， 所以掛孫心切既婆婆入左荃灣見下BB 係愉景玩完一輪又睇完一輪 係時候醫下肚仔，諗唔到食咩之際 阿妹話之前同同事去左香車街食飯都好食啵 既然係咁...一於就試下呢間香車街大排檔啦   香車街街市既大排檔要上樓梯既，同時亦分開左兩邊既餐廳 而我地今次食既就係有好多波波燈既和記廚房啦 老老實實，呢間廚房都好旺場 當日我大約7點到，都已經好似有一半位比人坐左 由於太肚餓啦，坐好左就點菜啦!!   首先有我最愛既，招牌炸豬手$138/碟 呢個豬手一開頭以為佢好吸引好香好脆 不過食到D 肉就知道佢係用水煮熟曬, 再拎去炸,除非即刻一上碟就清曬 唔係凍左麻麻地好食啦     第二道就係啫啫通菜煲 $78 本身係冇打算叫呢個菜既，但係費時叫四樣菜 就叫個菜食下啦，呢個啫啫通菜超入味 每一啖菜都有醬汁係度，送飯係一流 亦係最快清碟既一款菜式   另外呢個係開邊蒸蝦 $108 樓下就係街市，D海鮮冇理由唔新鮮既 呢個開邊蝦，蝦就真係好新鮮既, 同時D 蝦肉係彈牙又唔老 重點係一夾就可以食到，比起一般酒樓食到更好味 超推介的!!     另外亦係海鮮食品，呢一款係豉汁蒸大鱔 $108 由於我唔方便食D 無鱗既魚，所以就冇試過味啦 不過家人就話佢同蝦一樣咁新鮮,肉質好滑 整體而言都係好好食既     最後就是阿妹要求點既，砵仔魚腸 $88 老老實實既，我真係對焗魚腸既食品呢不嬲興趣不大 但係呢個焗得好香，佢上菜時已經有陣陣香氣 我就冇特別食到魚腸部份，但係煎蛋部份好好味好香 不過四個大人吃五個菜都差D 食唔曬 佢地既菜式就算都適中，唔會太細碟囉     另外佢地汽水同靚仔(白飯)都$12 /個/罐 唔洗加一，我地今次食左$578  平均每人$150左右啦 抵唔抵食就見人見志啦，我就覺得下次可以再試下其他食物   是日分享餐廳係和記廚房 荃灣香車街街市1樓40-24號鋪   就這樣完結啦,下次再見!(拜~) ◕‿◕如有任何合作事宜. 歡迎以電郵或者到FB Page找我 ◕‿◕ 謝謝唷!   Contact me：manman811@gmail.com IG: angelbaby811