話說以前去健康院檢查後再去醫院約新症，終於到果日了 去到醫院日間3樓，登記後去檢小便、磅重同量血壓，就出去等，之後叫名入左間房，答關於小便問題既問卷，之後聽姑娘講解書仔，之後又出去等。。。 等到叫名了，入去見醫生，個醫生係幫我照超聲波果位，話4日後都會再見之後問左簡單問題，再講檢到唐氏係低風險，話有冇出去做T2果d，我話冇，再問有冇約照結構，因為佢地果間醫院冇呢種服務，我話有約到，話健康院總未有報告比佢地，不過佢地會追，話有問題會一早send黎，叫你早d返黎檢查，我話係囉，健康院問我比左期點解總番健康院。。。佢話一陣答我，叫我去床度聽心跳先，因為已經知係孖胎，摸一摸個肚，好快係左邊搵到第1個，總扭大聲d比我家人聽埋，呢個bb有15x心跳，再係下面搵第2個，呢個有16x心跳，我記得以前醫院睇超聲波話係左右，現家變左左下，唔怪得早前係屋企，個肚硬係左同下啦，總諗緊點解右冇咩反應。。。哈哈 Check完就講番點解會去健康院檢查，話因為我係自然懷孕，之後就去健康院登記，唔同人工受孕，已經知孖胎既，果d就冇經健康院，就即接去醫院，所以要幫我開番新file，再比期我話做糖水測試，之後我話係唔係一定要做，因為第1胎冇做過，而我家人即刻出聲話我上網睇d人講話好難飲呀各樣。。。個醫生都話一定要做，睇下遲定早，如果大年齡就會早d，咁我現家未有問題，就可以遲到28週先黎測試，之後我又問左d問題，都好耐心細答，又話因為我係孖，有可能好早已經出現症狀，不過都唔洗擔心，覺得呢位醫生真係好好，好細慢講解，唔覺得會趕你走既，最後走時話4日後見啦，今次既檢查好開心