我仔仔話咁快就已經16個月大啦... 回望番年幾前在QE生阿囝囝，記憶仲好猶新!  記得我39週第一日既凌晨，電視仲喺度直播緊奧運，我感覺到個肚好痛，有種想去廁所既感覺。於是，我就係咁去廁所睇下有無見紅穿水等，但我又無見紅穿水喎，咁我就繼續番上床瞓教啦~ 但果種痛開始變得好有規律，連教都瞓吾到，於是我再開埋個apps數下幾分鐘陣痛一次，初頭10分鐘痛一次，慢慢開始變得愈來愈有規律，但我都無為意。到到第二朝，我原本仲諗住叫我老公車我去我媽度，但我一上到車，我開始頂吾順果種陣痛，跟住我即刻叫我老公直接車我去醫院。 去到QE B座產房，首先禁鐘，喺對講機度同姑娘講我陣痛緊，跟住個姑娘就開門俾我入去，老公就喺出面等。入到去產房，有幾間房，我就入左去其中一間房磅重，然後就有個姑娘問我陣痛幾時開始，有無穿水見紅等等.... 跟住就叫我瞓喺張床度，個姑娘就聽下bb心跳，跟住佢地就叫我上病房。上到去一間6個人既病房，我見到瞓喺我對面既媽媽仲係好輕輕鬆鬆咁玩緊手機，完全無一個痛苦樣，可能那位媽媽等緊開刀吧?! 但我當其時陣痛已經去到3分幾鐘痛一次，那種痛真係好攞命，企又吾係坐又吾係... 無幾耐，有個護士長帶埋成班學徒黎到我張床度，個護士長就問我介吾介意俾佢個男學徒摸一摸我個肚，跟住我就諗都吾洗諗就話吾介意，因為我當時已經痛到諗吾到野... 我最記得就係個護士長同班學徒講呢位太太好好，一條妊娠紋都無，哈哈... 我當其時感到好自豪~  到到12點探病時間，我終於見到我老公啦... 但都只係見得佢半個鐘，因為佢要買飯俾我食，不過我真係痛到食吾落.... 食食下飯突然我感到我下面好似流左d野出黎，於是我入去廁所度睇，原來流左d紅色啫喱狀既物體，我真係好驚呀... 跟住走出去話俾我老公知，我老公就幫我通知姑娘，個姑娘就答我地話係咁嫁，等下啦.... 佢就無理到我喇~ 到到3點幾，有個姑娘走入黎準備探下我開左幾多度時，突然我feel到有鼓暖流喺我下面湧出黎，我好肯定咁話俾個姑娘知我穿左水!! 跟住個姑娘即刻探我下面，然後佢就大嗌同另一個姑娘講，攞過床同衫黎，呢個上得產房喇~ 於是我即刻通知我老公，而我又換好哂衫執好哂個走佬袋上過床。 上到過床，d姑娘推左我出個大走廊度。佢地同我講產房好full，叫我喺度等下先。我心諗吾知等幾耐，我不停喺度大叫好痛呀~ 跟住無幾耐佢地吾知係咪嚴我煩，又將我推左去其中一間六人房入面，我果時已經痛到不停喺人地張床邊係咁嘔，搞到我都吾好意思。我就喺張過床等下又等，等左成個鐘都未有得上產房!!! 跟住有個姑娘又走入黎探下我下面，我問佢幾時生得呀.... 佢話有排呀~ 話頭仔未落，你第一胎起碼要等多十個鐘呀~ 我話吾係丫哇.... 我痛到已經keep住痛喇喎!! 個姑娘走左無幾耐，我已經feel到我下面有舊野，於是我自己伸手去摸，我當時好肯定我摸到個球體，好肯定係我個b個頭，跟住無幾耐好彩有個姑娘行過見到大嗌，吾得啦.... 個b個頭出左黎啦!! 於是，我突然見到好多護士醫生即刻衝哂入黎，有個助產士同我講: 太太，你要喺度生啦... 叫我吾好痾住，等佢地set好哂野先。跟住，我就忍住果度氣。個助產士話: 太太，你可以痾喇! 於是，我就用左一下力就咁生左我阿b出黎~ 結果我就喺一張好窄既走廊好窄既過床上生左阿仔。我果刻心諗終於舒服哂喇~ 好在我地兩母子都平安咋。因為我生得好快，可惜我老公入吾到黎見證住呢個重要時刻!  經過今次既QE生仔經歷，我體驗到QE真係好多人，d護士係忙到照顧吾到咁多人。同埋，估吾到咁大間醫院都會吾夠產房用。因為我上吾到產房，連笑氣都無聞過囉! 我真係幾乎就黎可以自己幫自己接生喇，好彩有姑娘見到阿仔個頭已經出左黎咋，如果吾係佢塞住左驚會塞息! 真係好彩我地兩母子都平安! 事後，我d朋友親戚都問我點解你咁大膽伸手去摸阿仔個頭既? 我其實真係吾知，因為果下真係痛到亂哂大龍~ 嘿!