終於過左4日後，要去醫院檢查了，早上留左尿，但其實醫院果紙冇寫，不過去健康院都一定會檢小便，所以唔想到時麻煩，就留定先。。。 約左9點鐘，都會早去到，等左陣就登記，我有2張紙，寫住9點係檢查，10點係照超聲波，交完紙就叫我等叫名，不過見其他媽媽都被叫名，磅重，比杯去留小便，但我都係度呆等。。。 終於等到大約9點30分，被叫名入房，不過只是姑娘問我問題，之後話我可能要等到1點。。。。嘩，唔係麻，9點等到1點，佢話可能，有機會，咁即係要係度呆等到1點嗎？！出到去話比家人知，因為屋企好近，家人就話點等呀，留電話得就返去啦，但我話佢講話可能，有機會。。。咁就留係度等啦。。。估計10點先有醫生，但可能醫生有事要行開，又唔知要幾時返，咁都冇法。。。 係度呆等，一知道叫名，就好希望快d係叫我，點知真係叫我名，嘩！即刻同家人入去，哈哈 個姑娘叫訓係床，幫我整好晒褲，蓋番好個肚仔，叫等一陣，因為醫生打緊野，個醫生又係以前同睇醫生果位醫生黎，我果刻都幾開心，起碼唔係唔同醫生先 好了，開始照了，佢都有問d問題，不過前4日已經問左，但我知道醫生太忙，同太人症要睇，唔會一定記得你，所以我都會照答佢，佢一路度，頭，腳，聽心跳，睇胎水，度左幾多都會講出黎，不過係比姑娘寫低，度腳果時，我問家人，你睇唔睇得出，因為twins係左右，所以係照patpat位腳果邊度，好清楚2隻腳中間係冇野，但家人唔識睇，之後又度另一個，不過另一個就冇張開，見到2腳合埋，度好晒，醫生就話，2個bb都冇分大細，2個都差唔多大，胎水都岩比例，大致上都冇問題。 之後我家人問係男定女，因為記得好多人都會講政府唔會點同你講性別，但呢位醫生就好好人，再照，就話呢度腳，中間冇野，應該就係女仔，而另一個，腳合埋就睇唔到，咁到時去照結構就再問清楚啦。之後比左期就可以走了，睇番張期，下個月先去檢查，可能因為我唔係單卵，而冇咩問題，同月尾又去私家照結構，所以唔洗去到咁密檢查，不過睇張紙，又係2張，又係9點同10時。。。 其實都係10點等醫生照，點解要人地9點呆等到10點。。。如果話9點果時我要去檢小便，量血壓，果類，就話早d姐，但咩都冇。。。。真係唔知點諗