上一篇出左「BB袋鼠外套」（想重溫請按我），好多媽媽都好有興趣呀！連我朋友睇完個post都好想買，點知有媽媽報料我知，原來已經冇得買喇！真係好可惜！ 朋友知道冇得買好失望，我順路帶Timtam仔去街玩，就幫朋友睇下有冇其他類似的款式，點知比我發現左另一件更加好的!    呢件有幾正？ 我叫呢件做「爸爸袋鼠披風」，因為呢件雖然冇連大人外套，只係有包住BB的部分，但係就爸爸都用得，方便好多架！有埋頭帽同腳套位，兩邊有兩個夾，可以夾住揹帶！質料非常好，裡面係保暖抓毛質料，好柔軟！外面係防風防水質料，牌子係Aprica，即係BB車個牌子，估唔到呢個牌子會出披風！成件披風好輕身，帶出街好方便！       爸爸袋鼠披風好處： 1. 可配任何衣物 兩旁有兩個夾，可以夾住揹帶，媽媽著任何褸都得，咁就不用次次都穿同一件大人外套。 2. 媽媽覺得熱，BB都可以著 好似今日咁，明明好大風，但又不是太冷，我著住件BB袋鼠外套行到出哂汗，如果我唔著的話，BB就冇的用黎擋下風。但呢件就唔同，只係蓋住BB位置，隨時著都得！ 3. 爸爸都用得！（呢點最重要） 當星期六日外出的時候，多是由爸爸揹住Timtam仔外出，但自從我用左BB袋鼠外套，因為件外套係我著，就自然由我去揹BB, 一星期揹足7日真係好想比膊頭休息下！呢件爸爸袋鼠外套就唔同啦！爸爸都用得，顏色又襯到爸爸！咁起碼我都有兩日可以鬆下條腰同個膊頭啦！ 4. 多功能用途 除左用揹帶時可以用之外，另外可用於bb車，又可以套係Car seat上用，當被仔黎用，就不用另外再帶被仔！        包裝如上圖，係Aeon有得買，價錢只係$209，今次真係有得買，因為我自己都買左一件比爸bi用！（奸笑！）    落選佳麗 其實仲有其他款，不過好大件好論盡，淘寶都見到呢d款，我試過就不太喜歡，比大家一個參考！ 下圖呢件真在太大件 ！  下圖呢件都幾好，喜歡裡面有三邊圍邊，夠防風保暖，不過我不太喜歡個圖案！      其實「BB袋鼠外套」和呢件「爸爸袋鼠披風」各有各好處，可惜BB袋鼠外套已經冇得買喇！我係淘寶搵左兩件比較好的選擇比大家參考：     不過質量就唔知好唔好喇！而且剛過左12.12，宜家買都唔知幾時先收到貨，天氣真係凍左好多，呢件爸爸袋鼠披風都好正架！大家不妨去睇睇啦！    得閒黎Timtam仔個FB page, 有好多Timtam仔得意video架！????????Timtam仔的成長日誌 ～～～～～～～～～～～～～～～～～～～   ~*~*~*~*~*~*~*~*~*~*~*~*~ 歡迎 產品試用/ 出席活動/ 可聯絡我Email: Timtamboy01@gmail.com ~*~*~*~*~*~*~*~*~*~*~*~*~