之前完成5堂的育兒樂課程，主張不打不罵下教導小朋友，得著很多，但要實行仍然要要改下我虎媽的性格 其實一直我都好著重同女兒點溝通，但又硬係覺得我地去到某d位點都搭錯線，特別多左妹妹之後，要將時間心機除二，我梗加覺得難上難，每日照顧同佢地同做野，再打理屋企，雖然有時婆婆會過黎幫手，但都攰到一個點，秒睡一直陪住我為左了解家姐，之前我同家姐去左做皮紋同腦電波檢查，結果我同家姐係2個極端，怪不得我地永遠都火星撞地球！就係清楚大家既性格後，又抽中左參加家姐學校搞既育兒樂課程，順理成章重新學一次點同子女良好溝通！ 一直好多人知親子關係對孩子的影響係好深遠，孩子找到可靠的依附，樂於學習同嘗試，而令佢發展良好的社交，好多看似小事，其實不停甘影響佢地成長。親子關係有幾方面可以建立～遊戲、伴讀、傾計同具體讚賞。無錯原來讚賞都係溝通既一種，快真準既讚賞係小朋友自信心最大既來源，除左自尊心之外，亦可以增加良好行為，有咩人唔鍾意人讚，當小朋友知道做完呢事係有人讚，自然會記住再做，希望再次聽到大人既讚賞，從而減少不良行為。 但大人記住呢個讚賞係要「快、真、準」，你千初唔好朝早做夜晚先讚，唔好話小朋友，連自己都忙完一日，點記得佢今朝做得好要讚。真就好簡單啦，就係叫你唔好hea讚，可以用多d唔同既詞語去讚，唔係下下都淨係話「你好叻！」，可以用下「寶寶真係長大左呀，好有禮貌甘同人講早晨」等等既字句都可以用到，最後準，梗係準確啦！明確甘指出讚賞d乜，唔好要人估估下！ 待續。 大喬與小喬：https://m.facebook.com/ckkcwk