17年12月8日是人生入面一個大轉變 終於真真正正做媽媽喇！ 襯有時間同記憶我想做返難個記錄   8號零晨3點幾訓訓下教發現好似懶尿咁 咁好眼訓唔理啦..... 咁流多一陣發現唔係wo! 去廁所望望先 點知我有用護墊條底都濕埋， 拿拿聲叫醒老公入院，中間突然發冷....  好彩有人提我食埋野先去， 咁我就去食埋麥記先去醫院    咁去到check埋其他野都4點幾， 因為中左b連就直入產房等生 開頭一d都唔痛！仲好輕鬆！ 慢慢佢幫我落催生藥同打b連個抗生素， 但都係無咩料到， 7點零我叫老公走先...因為都唔知等幾耐... 9點幾左右醫生來了，話人手再穿多次水， 果陣成班學護學醫參觀，教野果個仲話唔會噴水， 點知一穿！我噴到成個醫生成身都係水 攪到醫生都哇一聲   10點左右打比老公同佢講叫佢返來， 因為開始好痛，中間有聽音樂又聞笑氣！ 音樂唔洗講！流到爆！ 放鬆心情 我一野掉開左???? 另外笑氣對我來講都係廢既！但頭暈暈！ 我要求打止痛針佢唔比！話bb心跳唔穩， 其間我不停大叫應該生得，因為覺得好急   差唔多12點幾姑娘話我開得快，已經到8度喇！ 叫我加油！咁我繼續痛住等....其間又叫又喊咁， 我老公仲教我點聞先岩，仲叫我唔好叫出聲！ 我有氣時立即叫佢收聲 (真係女人生仔, 男人靜靜地陪伴就得) 其間我話就生得就生得, 因為FEEL到有野想柯出來 D姑娘仲叫我等到2點醫生來先好柯...  咁我不斷大叫救命, 最後1點幾姑娘都肯睇多次宮頸話生得喇 叫我再有宮縮就盡力柯，點知我好唔爭氣， 柯極都柯唔到，咁因爲我柯左一小時都柯唔到， （其實無想像中咁痛，似十年柯唔到屎果隻痛！！） 所以醫生建議我要人手吸出來 當時好驚，因為老公都要出去... 醫生襯我在最痛時叫我簽野， 姑娘又問可唔可以比班學護入泥學野... 大佬，好q痛 我乜都答應只係唔比男學生入 最後醫生話吸都吸唔到就要開刀！我即時好驚！ 當醫生打完麻醉針我就開始柯！ 柯第一次唔得，點知都未完， 就feel到呀仔想衝出來！我再努力柯！ 唔洗十分鐘就吸+柯左佢出來！！！  （我應該又噴到醫生成身血） 之後未完架！原來我比人剪左都唔知！ 同埋個胎盤都要整埋出泥， 果陣子宮一比人禁就好痛！ 好快都拎得哂出來， 最後呀仔沖好身就拎來比我對名對性別， 對完就放左響我心口一齊休息， 咁醫生就幫我聯針啦，當時如果痛都可以聞笑氣， 咁我keep住聞又覺得聯針無咩野 我唔知佢聯左幾針，半個鐘左右d人走哂...  而我都訓著左..... 一個鐘左右就推返我上病房了 （其間都有人幫我量血壓同禁子宮） 一出到去見到老公我就狂喊 我即時拎個電話出來要打比媽咪! 話佢知生仔真係好辛苦    上到病房後因為未夠6點, 所以老公佢都仲要等多陣先可探我， 咁我等左陣姑娘就抱呀仔來叫我餵奶， 因為6-8小時未落得床， 所以頭一日應該會推走個b!!  總算可以休息下了......