唔知大家覺唔覺得英國腔嘅英文好好聽呢？ 鍾情英國文化同英式英文正是我當年修讀英國文學嘅其中兩個原因。小時候，已覺得英國腔真係好吸引，所以好自覺去搵方法去學。 成為媽媽後，都希望我嘅興趣可以感染到唯B，自佢出世就俾佢接觸英式英文。我嘅方法其實同大家一樣，都係俾BB聽下歌，只係可能喺播放選擇上有差別，會揀擇啲。 有好多人都同我講，睇片學得仲快。的確，聽覺同視覺同時間接收訊息，對腦部嘅刺激會較大。不過，小朋友接觸有屏幕嘅電子產品係好唔健康，除咗對佢哋嘅視力有壞影響，亦會令佢哋對短片同兒童節目「上癮」，好難戒得甩呢。 其實只要每日聽，都一樣可以喺無形中記咗入腦，一樣學得到，仲可以為佢哋帶來無窮嘅想像空間！ 學習資源： 1. British Council 聽歌學英式英文：https://learnenglishkids.britishcouncil.org/en/songs 聽故事學英式英文：https://learnenglishkids.britishcouncil.org/en/short-stories 學習英文單音/字：https://learnenglishkids.britishcouncil.org/en/sounds   2.　BBC News 或許大家都知道，BBC新聞報導員的英文都屬於「標準」的水平，所以，聽BBC新聞學英式英文，就可以學到較準確嘅發音喇。大家可以下載BBC News嘅app，選擇LIVE，然後播放。 內容對小朋友來說係比較悶，所以我每日都係俾唯B聽10至15分鐘左右，就會轉返聽歌仔。 希望以上內容幫到大家，令BB都愛上英式英文！   如有興趣看更多自理寶寶的育成和BLW的分享，歡迎到唯B的小空間https://www.facebook.com/weplaynlearn/