唔經唔覺，我已經餵左5個月人奶啦！ 距離我6個月嘅目標又邁進一大步 ：p     由於返工後奶量真係少左好多，而且又唔可以成日泵...基本上每日都要動用1-3包冰奶~ 之後慢慢奶量都多返，所以前前後後我都儲左差唔多60-80包冰奶~ 不過因為家中冰櫃有限，所以之前直頭連奶奶屋企嘅冰櫃都俾冰奶佔據~   我前後用過3款奶袋，keep到宜家都仲用緊嘅就係Philips AVENT嘅奶袋~ 另外2款就係Gmarket買既~   Philips AVENT嘅奶袋已經預早消毒左~所以一開就已經可以直接倒奶入去~   每個袋都可以儲到6安奶~我呢個貪心仔，一次泵到6安幾，無理由開多個袋！所以就偷雞儲多少少~   記得倒奶入去之前要mark好日期！因為冰奶嘅有效期只係3個月，過左期嘅話就用黎做人奶cream/ lotion或者皀囉~   基本上3款奶袋都大同小異，不過最後點解我會揀Philips AVENT嘅原因係因為夠扁、夠慳位！平放都唔會漏~   嗱，以同一個密實袋測試，Philips AVENT可以平放到7包~另一個牌子只係放到5包，而且仲會大嚿啲，亦做唔到平放~   明明都係每包入到6安幾嘅奶，有得揀緊係揀個慳位啲嫁啦...話晒每個媽媽都希望有好多奶嫁嘛，一陣多得濟放唔落要倒都好肉痛嫁... 宜家冰櫃都只係得返40包左右咋…   大家記得，如果要俾BB飲冰奶，早一日要放返落雪櫃，飲之前先好座熱~座熱到40度以下，仲要一個鐘內飲完 :)   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友 Instagram : https://www.instagram.com/wingring/ 邀稿 : wingring417@gmail.com / wingring@ymail.com