係過左去既boxing day  ，我帶左叉燒仔去游水 ‍ 一朝早就去左九龍灣Megabox 9樓既 SPAWAWA，個度既姐姐好細心，一黎到已經睇到阿仔塊面仔有啲紅，仲問生左幾耐，係幾時生既，問得清清楚楚先有得落水啊。   ☃️️去之前婆婆不停咁話，咁鬼凍做乜去游水啊。原來去到SPAWAWA，有個大暖爐同暖水池架，溫度保持攝氏35度，任何時候都有得游。佢地原來會加一大匙既沐浴鹽架！   今次游既係King Package，姐姐好細心同我地簡介一陣流程，同講下會用既產品，換好條游泳片，之後有得落水啦 起初叉燒仔好緊張，揸實哂拳頭 姐姐同叉燒爸不停咁引佢玩，玻璃窗出面既觀眾都有好大功勞。 佢好快掌握到同知道自己游緊水啦 ‍ 可能佢仲細，游水既感覺似係子宮度咁，又暖又有得浮下浮下，一直都好開心撐下撐下 玩足30分鐘都無喊過???? 上水之後姐姐幫佢沖涼洗頭仔，之後再用按摩油按摩肚仔，等佢少啲肚風。 全程一個鐘左右，上水之後可能太攰，扭眼訓，但因為佢地有好多玩具仔分散叉燒仔注意力，又好快笑返啦。   扭完眼訓，係隔離個育嬰室食埋奶。一直唔願訓覺既佢，今次訓左5個鐘 改善睡眠真係無得頂 終於有得行下街，食下野啦   後記：作為慳家媽媽嘅我，已經為大家問咗，如果係叉燒媽媽介紹嘅媽媽，喺book位之前講聲，就會有免費upgrade，姐係買最平既plan，都會有得送按摩架！團購嘅話有85折。 你哋都去試吓啦 SPAWAWA 思芭娃娃 ️ 2342 3168  Shop18-19, Level 9, Megabox , 38 Wang Chiu Road , Kowloon Bay     叉燒媽媽 - 90後媽媽 邀稿Email: chasiumama@gmail.com Facebook 專頁: https://www.facebook.com/chasiumama