Week 5，陳皮作息好似漸趨穩定，我好似可以有更多空閒時間做下自己野（好似，希望真係）???????????????????????????? 我終於可以記錄埋我千辛萬苦嘅生產過程⋯⋯ 其實皮媽我係一個好心急嘅人，懷孕後期一直都好期待陳皮可以早啲出世，好想快啲見到陳皮，38-39係我覺得最理想嘅週數，因為陳皮產檢一直偏大偏肥，好怕自己要生到爆菊花，但結果佢遲大到等到40.6周，差一日就要去催生⋯⋯佢仲要足足8.1磅，我應該爆埋菊花都唔會生得佢出????，最後變成食全餐，捱完順產嘅痛，仲要捱多刀????⋯⋯但其實我痛到聽到要開刀嗰刻係開心到要放炮仗，因為係痛到只係期望麻醉師快啲快啲快啲嚟，快d停咗呢種痛楚???????????? 回望返臨生之前，其實皮媽心情係好矛盾，又要心急想見皮皮，但又係38週病左，同埋太過膽小希望陳皮唔好係農歷714出世，所以一直都有叫皮皮等多陣先出嚟，可能因為咁樣佢就遲曬大到???? 其實臨預產期前我就已經開始等唔切，狂食涼野，西瓜、涼粉、菠蘿⋯而且仲狂做盆骨運動、行樓梯、出去行足一日街⋯預產期前嘅兩三晚我都會宮縮，會唔舒服到半夜訓左都醒果種，每次以為係生得啦但都食白果，去到預產期前一日晚上3點仲第一次有陣痛嘅感覺，超興奮，然而都係食白果的，得嗰一次仲要20秒都冇???? 7/9最後嘅產檢，姑娘話我冇產兆，就俾咗催生期我，行出醫院嗰刻，皮媽我真係好淆底，因為聽講催生特別痛，仲會增加食全餐嘅機會，所以立即衝左去買咗碗傳說中最涼嘅綠豆沙食????，跟住第二日8/9竟然真係有成果????，早上去廁所發現有！流！啡！！！超興奮，下晝就同老公入咗醫院啦。 但原來流啡係流架，我住咗兩日醫院都冇動靜，期間我瘋狂咁un波，un到啲姑娘都要我要停要我休息，陳皮都是不為所動的，最後俾人趕返屋企????。返咗屋企之後我唔信邪，再食綠豆沙，第二日零晨竟然真係見紅啦????????????????????????（陳皮真係好怕綠豆沙????????????），中午一點仲穿埋水，但有咗上次流嘅經驗，今次我哋淡定好多，食埋個lunch先再入院。兩點鐘左右就開始有陣痛，痛到六點晚餐時間其實仲活動自如食得走得（當時已經有規律嘅陣痛， 5分鐘一次），只係中間突然有穿水所以叫姑娘check，點知佢一check就話我已經開到4度，好快同好叻，咁捱得痛，炸炸林安排左落產房。我以為自己真係好叻，度數開得咁快，而且我又唔覺得四度嘅痛有好痛，應該可以順順利利地順產，點知落咗產房，惡夢就嚟啦⋯⋯ 落到產房，痛楚明顯愈黎愈勁，唔係慢慢上，而係倍數咁上????。 產房姑娘開頭每隔2個鐘幫我check一次度數。第一次check嗰時佢話已經開到6度，但係佢話我開得有啲慢，嗰時我已經覺得好痛，痛到想打無痛分勉，但忍住左！ 第二次check嘅時候姑娘話度數冇上過，都係6度，我心情跌到落十八層地獄，好想喊，要求想打無痛分娩，但佢哋係拒絕架⋯ 第三次係隔1個鐘再check ，但佢竟然同我講仲係6度，但已經痛到癲????????????，但佢話我陰道腫左，叫我痛嘅時候唔好咁用力，唔係腫晒到時開到10度都生唔出????????????????????⋯⋯⋯我絕望到喊，係你痛到想死嘅時候，連用力忍痛都唔俾⋯⋯????????????所以我強烈要求打無痛分勉（絕望地求救），但姑娘亦都堅持地拒絕，我仲記得嗰時我同姑娘講 "而家係唔適合，定係唔可以？如果只係唔適合，我堅持想打，救下你地????⋯⋯"  佢哋最後口頭上答應我可以，然後離開咗，之後嗰一個鐘，叫天不應叫地不聞，冇人再入過我間房⋯⋯即使我期間再度穿水（依次爆勁多），都只係一個嬸嬸入嚟幫我換產婦M巾⋯⋯ 一個鐘之後，有兩個明顯係senior嘅姑娘入嚟幫我check第四次，check完之後佢哋嘅對話係 " 仲係6度喎"  " 係呀，仲係6度"  " 6個鐘竟然仲係6度⋯"  嗰刻嘅我，只係絕望到默默地瞓喺度忍痛同埋流淚⋯⋯ 無耐之後，姑娘就入黎同我講，話我有b鏈同穿咗水，又開唔到倒數，需要轉做開刀生產，我諗都唔使諗就秒速答應咗，佢哋拎入嚟嘅文件，我求其秒速畫龜簽左，因為嗰刻嘅我，只係想麻醉師快啲快啲快啲快啲快啲快啲到達幫我打針????⋯⋯ 入到手術室，打完針之後我就昏睡過去，直至聽到陳皮嘅喊聲而醒，然後姑娘抱佢過嚟我度，第一次見面陳皮就眼仔碌碌咁樣望住我????????☺️????????☺️，可惜我有b鏈，冇辦法抱下同望多陣剛出世嘅陳皮，佢就立即俾人抱去沖涼同打針????????????????????????。 經歷左依個十級痛生仔經驗（我覺得自己嘅痛楚有去到十級，只係度數開唔到☹️），結論係有得揀我一定開刀生；自己當初真係太天真太傻，覺得生仔梗係要順產先好；傻仔的我完全係低估咗生仔嘅痛。 不幸中之大幸係依一個咁慘痛既經歷只係短短10個鐘，雖然多1秒鐘都覺得難受。同埋好好彩我遇到一個手勢好好嘅醫生，仲有我嘅身體都OK強壯，所以我生完第一日就可以落到床，亦都去到廁所同埋放到屁排倒氣，第二日傷口已經唔太痛只係個人好虛，對比起同房其他開刀嘅媽媽，我係好龍精虎猛同回復速度好快????????????????????????????。 順道一提 1. 皮媽覺得聞笑氣係冇用架！！！係冇X用????????????！冇用到要講粗口，又要好用力吸，嘥晒啲氣力！ 2. 原來其實check度數好痛，姑娘係會申隻手入陰道，然後將產婦既陰道撐到最大去度量度度數⋯⋯痛Q屎⋯⋯ 3. 關於唔適合打無痛既原因，姑娘由4度開始就已經同我講太遲，但我有朋友同我講話佢開到8度先打都得⋯⋯，同埋度數冇開到咁上下係冇得落產房，4度都叫遲，咁幾時先至叫做適合????？ 4. Last but not least，多謝一路陪住我痛，手比我搣到紅晒腫晒生埋風難嘅老公大人❤️ Facebook and IG : 二製陳皮 #新手媽媽 #漫畫 #插畫 #chanPBB #湊B日記 #生產紀錄 #十級痛 #順產 #開刀 #食全餐 #育兒日記 #育兒漫畫