呀！勁sweet ar！ 之前老公有多少嬲豬因爲我同蠔豉妹妹有張勁靚既合照(哺乳相)~ 為左平息佢內心既不滿，我緊係拿拿聲話影全家福啦~   拿~全家福唔只我地一家三口，仲有蠔豉既公公婆婆、爺爺嫲嫲同姑姐 :) 其實，仲差波子、薯餅(2位貓大爺)先完美，不過2位主人唔多鐘意陌生人，所以都係等我之後親自出馬！   由於我唔想太死板咁影全家福，所以就搵返我影孕婦寫真既攝影師~ 對上一次影我已經覺得影得好好，今次同埋老爺奶奶影更加唔可以失手！所以都係搵返有信心保證既好 :p   影嗰日因為落大雨...又發生左啲小意外，所以影唔到室外...點知攝影師好到加零一，話如果夾到時間同地點，幫我地補影返室外！所以就好似有2輯相咁~~大家都換晒衫 :)   室外景真係好適合同小朋友影~而且影既時候蠔豉妹妹已經4個幾月~頸仔已經開始硬，影幾張飛飛相都無問題 :p   未收到相時已經好期待，收到相後更加無令我失望！ 攝影師只係簡單調左色已經俾我地揀！救命呀！影得勁好，好sweet~好warm！ 老公仲秒速問post唔post得？ 平時佢十世都唔post呢啲放閃野都忍唔住~   而且奶奶都問我地幾時先捨得曬張大相，俾啲親戚睇，話唔可以淨係放係電話睇咼~~ 講到咁，睇黎都應該好滿意~~   其實蠔豉妹妹出左世真係令大家既關係改變左好多，每一張相都係一個記錄！ 每次見到老爺對住蠔豉妹妹笑，我都覺得妹妹係一個魔術師，將不可能都變成可能 :)   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring/  邀稿 : wingring417@gmail.com / wingring@ymail.com