聖誕節大吃大喝玩樂過後 一齊都回復恬靜 係時候要煲番個潤肺解燥靚湯俾兩位老細飲   合掌瓜清熱解燥，助腸胃消化 百合止咳，潤肺，安神 無花果滋潤，健脾 四季都啱飲       材料: 1) 合掌瓜 2個 2) 粟米 1枝 3) 紅蘿蔔 1個 4) 新鮮百合 2個 5) 西施骨 25蚊 6) 無花果 3粒 7) 南北杏 2湯匙 8) 陳皮 1瓣   做法: 1) 陳皮用清水浸軟刮囊。 2) 南北杏用清水浸10分鐘。 3) 無花果洗淨剪開半。 4) 西施骨汆水。 5) 合掌瓜洗淨，切件。 6) 紅蘿蔔去皮洗淨，切件。 7) 粟米洗淨，切開幾段。 8) 百合切去頭尾，剝開一瓣瓣，洗淨備用。 9) 鍋內注入3L水，陳皮隨凍水落，水滾後，將其餘材料 (除百合外) 放入煲內，大火滾10分鐘，轉小火煲1個鐘，加入百合煲半個鐘，下少許鹽作調味，飲得。