相信每一個有BB嘅屋企都會有一張Playmat，不論你係用韓國厚身嘅、一大卷唔同款式嘅Playmat都好。一張Playmat主要功能當然係為咗保護BB，以免BB直接跌倒喺地下到啦。當BB漸漸長大，張Playmat就可以退役啦。當大家都覺得Playmat已經一無事處嘅時候，其實佢都係一樣好百變嘅玩具嚟。   Playmat可以變成生活化的遊戲、體力型嘅遊戲、親子互動嘅遊戲等。玩完可以將佢捲返埋或者摺返埋，而以我所知韓國o個款摺疊式嘅，仲可以化身波波池添呀。   講到生活化嘅遊戲，相信唔少人返屋企都要搭Lift嘅。我哋就將Playmat化身為一部Lift，將Playmat打直企，小朋友企咗入去，自己將佢捲好，閂門，唔該撳Lift丫，你去幾多樓呀?     Playmat 露營遊戲 潮流興親子露營，未真正去過野外露營，不如先喺屋企嚟個熱身先     體力型嘅遊戲 將Playmat成卷放返落地，就會變成一條隧道，俾小朋友爬嚟爬去。       Playmat 彈彈床 Playmat仲可以變成公仔嘅彈彈床添呀   Playmat 滑梯 Playmat 仲可以變成公仔嘅滑梯添呀~小朋友唔該幫手接住啤啤熊丫~       Playmat 親子互動遊戲 幻想，佢係一個望遠鏡、係一個傳聲筒       其實屋企有好多嘢都可以係玩具，發揮你少少嘅想像力，每一樣嘢都可以好好玩，一物幾用確係抵嘅。   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。