宜家諗返起之前陀住蠔豉妹妹時俾人成日問既問題，除左「係仔定女呀？」之外，就係「以，你有左，咁貓貓點算？」   講真，每次有人問既時候，我都有啲唔開心...一直以黎，識我既人都知2隻貓貓係我既命根，我真係錫到佢地燶~當然，我明白唔係所有人都會當寵物係家人...但係，就快成為爸爸媽媽既你，如果真係選擇棄養，將來點樣教導你既子女成為一個負責任既人？   係坊間，會認為貓貓對孕婦有害既人大致分為2種~ 1. 無乜原因，不過就係唔鐘意，或者聽到有人話貓貓對孕婦唔好~ 2. 怕貓貓會有弓形蟲(弓漿蟲)，導致流產或有畸胎   第1嗰樣我就唔探討啦~因爲無可能要世上所有人都鐘意貓貓~大家各有各自由啦 :)   咁不如講下第2點，到底孕婦要點樣先會感染到弓形蟲？   簡單啲咁講，孕婦要接觸到一隻食生肉又初次感染弓形蟲既貓貓既糞便，而嚿便便必須已經排出超過一日，而糞便仲要直接接觸到個嘴！   我講到咁，我估大家都知，只要注意衛生，基本上感染到弓形蟲既機會係近乎零！   如果真係怕既，大家可以好似我咁，係懷孕期間，唔好處理貓貓既糞便~將呢個剷屎既神聖任務交俾一個你信任得過既人 :p   如果真係避免唔到要剷屎~咁剷屎時帶個手套，之後剷完再清潔雙手，唔好接觸到個嘴~   想再清晰了解可以參考以下短片 : https://www.facebook.com/animalcloud.tw/videos/1490804170991901/   我相信，大家了解完弓形蟲之後，應該都唔會再認為係懷孕時期養貓貓係一件危險既事 :p   係陀緊蠔豉妹妹期間，我家既2位主人(波子、薯餅)都對我超好~以前佢地會當我個肚係地面，經常踩我個肚...但係懷孕期間，竟然一次都無！每次都會凌空跳過 :p   到左蠔豉妹妹出世，頭1、2個月，波子、薯餅對妹妹無乜興趣，根本無可能影到一張合照！不過我並無因為咁而強迫2位貓主人要同蠔豉妹妹接觸，因為我都明BB呢種失驚無神郁一郁既生物真係唔好野，一陣一個唔留神一巴車落黎我都試唔少！ 但到左3個幾、4個月既時候，佢地接觸真係多左好多！2位貓主人開始會默默係旁邊守護住~雖然只係幾分鐘就走佬，但每次妹妹喊佢地都望到實一實真係好窩心！   宜家蠔豉妹妹係大床玩，2位主人都唔會走，我已經好開心~ 蠔豉妹妹大概唔會有弟弟妹妹，但有2位貓哥哥一定會好幸福 :)   不棄養！貓b共融 :) 我好慶幸自己可以成為波子、薯餅既主人~我相信佢地會同我一樣好錫蠔豉妹妹~   我終於都幫蠔豉妹妹開左FB la~大家想睇佢日常無聊事就可以睇下:p 蠔豉妹妹之貓奴生活   Facebook : 80後的人妻「旅」友  Instagram : https://www.instagram.com/wingring/  邀稿 : wingring417@gmail.com / wingring@ymail.com