用豆漿嚟煲湯，媽媽的確覺得有點怪怪的！ 但原來加左無糖豆漿，令個湯道味更豐富，又香又甜，唔腥之餘，仲有陣豆漿嘅清香！ 個湯仲有滋潤皮膚，預防感冒功效！   材料: (4人份量) 1. 南瓜 1個 2. 洋蔥 1個 3. 栗米 2枝 4. 豆腐 1磚 5. 魚骨 1Pack 6. 無糖豆奶 750ml 7. 滾水 適量   做法: 1) 南瓜去皮去囊，洗淨切件。 2) 粟米洗淨切開幾段。 3) 豆腐隔水備用。 4) 洋蔥切件。 5) 三文魚骨洗淨，印乾水，用胡椒粉醃半小時。 6) 燒熱油鑊，下三文魚骨煎香。將已煎香三文魚骨放入煲魚袋後，放回鑊，立即倒入滾水，煮滾呈奶白色魚湯。 7) 鍋內注入約2L水，水滾加入南瓜、洋蔥、粟米及三文魚骨湯，大火滾10分鐘，轉細火煲 1 .5小時。 8) 加入豆腐，煲15分鐘。 9) 再加入豆漿，滾 8分鐘，加鹽調味，飲得。     Facebook: www.facebook.com/MyBabyAustin Instagram : www.instagram.com/babyaustin06 Blog:  https://babyaustin0606.blogspot.com