《潷泥泥+倒泥泥》 Alien一直對車都有好大興趣，喺街見到任何車都要睇下，要知佢個名。 除左會叫嘅救護車、消防車同警車，地盤嘅工地車都係佢至愛，特別係同公公一樣嘅泥頭車同挖土機！！ 記得之前睇過本書講，自主學習係最有效嘅，媽媽應該細心觀察小朋友，適時提供有關嘅資源增加佢嘅學習動力，加上正面嘅鼓勵等佢嘅興趣可以加幾延續。 咁啱比我見到有小小家 LittlePals嘅工程車團購，緊係唔可以放過啦！！佢地嘅車車做工細緻，像真度好高，仲係磨輪設計唔洗入電！！Alien超鍾意，晚晚瞓覺都要攬住瞓。 我一買就買左7架（泥頭車、挖土機、救護車、消防雲梯車、小貨車、推高機、小型起重機），不過就緊係唔會一次過比佢啦！！ 之前跟過一次公公泥頭車返工，依家每日都好熱衷於潷泥泥同倒泥泥，公公就地取材，喺屋企揾左啲黃豆做泥比佢玩。雖然仲未識控制挖土機，要用手將泥放入泥頭車，不過都可以練習小手肌同手眼協調！！Alien仲諗到以同Food超人嘅《神奇小汽車有聲書》一齊玩。一手禁完有聲書嘅挖土機聲，即刻轉身挖土咁就可幾幫佢做埋配音！ 至於媽媽就因為要配合Alien嘅對唔同車嘅好奇心，不斷睇書上網，學識左唔同工程車嘅中英文名同功能，可幾同佢一齊學習一齊進步真係好有滿足感。好多人都話只有媽媽先聽得明BB想要咩、做啲咩，其實只要有心陪住佢一齊做佢想做嘅嘢，你都可幾做到！