就快又到新年喇，拜年時候一定會遇到唔少親戚、遇到不少刁鑽問題，一齊睇下點應對：   1. 幾時生多個？ 呢個問題唔洗問，應該係最討厭問題之首，而且有可能係結左婚唔夠一日就問你幾時生小朋友，生完一個坐緊月就問定你幾時生下一個，然後無限輪迴，小朋友幾時入幼稚園、小學、中學，再嚟個下一代嘅無限loop。最官方答案你「多謝各位姨媽姑姐表叔表嬸，有好消息會再通知你地，唔洗鄧我急，多謝關心。」(笑)   2. 最近忙唔忙？   問得呢條都有不祥預感！知道打開左個話題，親戚們就會不停「關心」你。究竟啲親戚係咪冇野好問先可以問到啲咁無聊嘅問題？邊有人返工唔忙、唔多野做 ？而且返office嚟嚟去去都係做嗰啲野，你想我答啲咩多姿多采的答案？不過，對方咁問得都係想曬自己個仔做總經理、返工好滿足啫！  3. 你/老公賺緊幾多錢？   唔少人過年出去食飯，都會被問到一個月賺幾多錢等有關薪金的問題，夠唔夠洗？夠唔夠比屋租？夠唔夠食？其實如果話唔夠，你又係咪會比錢我用先？如果賺得多，係咪要分俾你先？ 4. 你/老公加左幾多人工   雖然話就話講錢傷感情，但同成班親戚一齊食飯，大家都總係鐘意講錢！加人工有邊個唔想？但家下搵食艱難，唔比人炒已經算偷笑，仲話加人工！其實加姆多、分到幾多，唔係我可以話事，不如我比我老細電話你，你自己問佢啊？   5. 老公/阿仔阿女做咩職位？ 出黎做野之後，除左人工，就一定係比較銜頭，尤其同成班親戚，八姨婆個女做manager好威，點知三姑媽個仔升左做CEO仲勁！其實升到咁高級又係咪真係咁好呢？最好就係答「職位高，但責任又大啲、工作的複雜程度又高啲、壓力又大啲，都係唔啱我喇」   6. 打算幾時買樓   就算你已經有樓，分分鐘都會問你幾時買多層收租？查實班親戚係咪長期隱世、不知人間疾苦？香港啲樓價咁貴，餐餐要捱麵包、唔去旅行、唔睇戲、唔唱K先至比到個首期，我出得嚟玩就預左我買唔起架啦！你講得咁輕鬆，不如你幫我供啦？最得體係「而家貴唔抵買，睇定啲先啦」