小JM媽聽媽媽朋友講起佢囝囝最近迷上咗玩沙，一見到沙就會好開心。 初時小JM仲以為媽媽朋友帶囝囝去沙灘玩， 點知原來喺去咗新開無耐位於港島杏花村嘅Dreamland Playground。 媽媽朋友仲推薦咗小JM媽帶小JM去玩添。 好啦，趁住二月呢個生日月就等我地帶小JM去一齊玩返下啦！ Dreamland Playground童遊大世界喺一間結合咗教育、玩樂及互動元素新體驗嘅Playground， 外型有如一艘航行中嘅船。場地面積約二千呎，場內設有四個不同主題區域以供小朋友們探索， 分別為《探究大沙池》、《光影波波池》、《彩色繩網陣》和《幼兒探索區》， 正好提供一個寓玩樂於學習嘅輕鬆體驗， 亦可以俾到一個機會小朋友去鍛鍊一下勇氣同體能添！ *溫馨提示* 因為近期流感個案日增， 所以小JM媽都希望提醒一下大家注意個人衛生， 喺進出場館都要做好消毒措施喔！ *Dreamland 亦好貼心有寫告示板提示大家喔!* 事不宜遲，一於等小JM帶大家睇吓有咩好玩之處啦！ 《探究大沙池》 呢個可以話喺媽媽朋友推薦之一。 小JM除咗舊年夏天去過下沙灘玩過沙之外都好少機會接觸到沙， 今次正好可以俾小JM再體驗一下接觸沙嘅感覺， 亦為小JM提供咗一個探索機會。 場內有各式各樣嘅小工具喔！ 而且仲有一個小帳篷添，小JM就最愛躲藏喺帳篷之內。 《光影波波池》 光影波波池？一聽個名就知道同一般嘅波波池唔同啦。 無錯，因為呢度嘅光影波波池喺將AR技術同燈影結合， 利用LED燈帶將波波池打造成一隻正在航行嘅海盜船一樣， 令小朋友感覺彷如置身於海上嘅環境一樣，搖擺不定，再利用波波擊中目標。 咁做其實唔單止玩咁簡單，仲可以有效訓練小朋友嘅靈敏度、反應及手眼協調度添架。 除左AR系統，呢度仲有滑梯、波波池、彈彈床同幼兒探索區等。 呢度嘅波波池可以叫做波波海，因為真係有好多波波， 而且滑梯又夠大，每次滑落去就淺起好多波波，好過癮呀！ 就連大人都一樣忍唔住要去玩返轉。 喺進入波波池嗰陣仲會見到彈彈床架， 一進場小JM已經忍唔住要衝入去又跑又跳一番， 唔通小JM想做熱身？ 《彩色繩網陣》 *其實小JM媽都覺得呢個彩色繩網陣好靚喔!* 不過要上去呢個繩網陣都好考小朋友嘅「功力」同膽色架! 彩色繩網陣中以彩虹繩網陣及半透明滑梯最吸引。 彩色繩網陣唔單止顏色有如彩虹般鮮艷奪目， 而且仲可以幫助訓練小朋友嘅平衡力同大小肌肉添！ 真係可以話完全刺激到晒視覺同觸覺嘅官能發展。 而半透明滑梯亦都係呢區其中一個亮點， 可以提供到一個小小嘅位置俾爸媽去捕捉小朋友滑落嚟嘅一刻。 喺半透明滑梯旁邊嘅彩色繩網底下其實仲有一個小鞦韆架。 今次係小JM第二次玩鞦韆， 估唔到佢已經識得自己搖添，真係長大了～ 除咗以上呢幾樣重點之外仲有一個區域係用來設置唔同嘅遊戲區添， 可以俾小朋友從活動中學習到新嘅知識。 今次場內分別設置咗小型釣魚池同小型射擊區。 小JM係釣魚池同爸爸玩咗好耐，捉到好多魚魚添呀。 小JM今次係第一次玩射擊遊戲架咋， 仲好主動幫爸爸手拎「子彈」， 而爸爸亦都好用心教小JM應該點樣射中目標添。 睇完文字簡介唔夠喉可以去片睇埋Video! 最新消息: 踏入農曆新年(戊戌狗年), Dreamland Playground 喺二月仲推出咗快閃優惠, 只需HKD$300就包咗三位大人同三位小朋友入場啦, 快啲約埋成班朋友仔一齊去玩啦! *[ 原價: $170包括1大1小(非會員), $150包括1大1小(會員) ]* *新春期間Dreamland Playground 照常營業喔!* 詳細時間請參考Dreamland Playground Facebook Page. 一般六/日及公眾假期開放時間為: A.10:00-12:00 12:00-12:30(清潔時段) B. 12:30-14:30 14:30-15:00(清潔時段) C. 15:00-17:00 17:00-17:30(清潔時段) D. *17:30-21:00 (17:30-20:00) (快閃優惠日適用於: 2月份 3, 4,10,11,16,17,18, 24, 25) *每節2小時, 清潔時段30分鐘, 每節人數上限65人. Dreamland Playground 童遊大世界 地址：柴灣杏花新城203F&G 電話：2350 1830 Facebook：Dreamland Playground 童遊大世界 ♫ ESDlife靚太Club 。 星級榮譽會員 ★ sleepyceci ♬ ♩ BK Milk。親子語。駐站Blogger ★ 傑。斯與晴 ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger ★ 傑。斯與晴 ♪ ♫ 媽媽經 。 駐站精選Blogger ★ 傑。斯與晴 ♬ ♩ Ubaby Magazine。駐站Blogger ★ 傑。斯與晴 ♪ ♫ MyBB.com。 駐站Blogger ★ 傑。斯與晴 ♬ 歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯與晴（Jolie Babe。小JM の 成長印記）
