你鍾意一個咩風格嘅睡房呢? 我自己鍾意有點簡潔、少女味道得嚟唔會太小朋友。   新居「牛棚」有兩房，主人房及和牛B的遊戲室。由於和牛B而家仲係同我哋一齊瞓，所以佢間房以遊戲室為主。   睡房方面，我哋係地台床，下面全部都係收納櫃。地台床係單途落床嘅，由於和牛B比較反瞓，我哋又擔心佢會撞牆，所以床圍/ 牆墊係需要設置嘅。   但由於新裝修，我唔想咁快喺牆上面添加任何嘢。所以我目標好清晰，背膠式貼牆嘅牆墊我係唔會選用嘅，我唔想日後拆返牆墊出嚟幅牆會爛咗，要重新油油。俾我搵下搵下，搵到北歐風嘅軟墊床圍，雖然係淘寶貨，但性價比很高！       淘寶價RMB¥129/套 (未包運費)   評價: ★★★★★ (5星為滿分)   - 無色差 - 唔甩色 (我買咗兩套，一套粉紅色、一套係黑色款，重點係連黑色款都冇甩色。)   - 屋子型軟墊套，容易拆除清潔   - 另配橡筋帶子，可綁在BB床使用       【 淘寶購買連結 】   我買咗兩套主要圍住床頭同埋床嘅前半部份，因為一套4塊大概只有120cm長，我覺得唔夠，再買多咗一套，兩套自己可以隨意組合，效果一樣好靚同埋好襯。     呢款床圍除咗可以保護和牛B撞牆之外，仲令間房帶點童趣及少女味，好溫暖呢。   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。