新年就快到了，登門拜年/被拜年是大多數人在過年必經的事，到底拜年有哪些禮儀要注意？唔想人見人憎，就要留意喇！(或者分享俾親朋戚友睇，等大家小心誤中地雷)   1. 有病就唔好拜年喇   而家流感咁厲害，遇著有病的親戚朋友上門拜年，作為媽咪真係心慌慌，朋友還好，可以直接叫你帶口罩，但面對長輩，有時真係好難啟齒，不如咁，有病就最好唔好周圍走，唔好再去拜年喇，專心休養啦！(潛台詞：我都唔想你惹到我一家都病)     2. 注意衛生，唔好亂錫亂摸BB   嗱~其實充就算你無病，條街都好多細菌啦，我知長輩親戚見到BB會情不自禁，但大家為了BB健康著想，都係入屋先洗手，注意個人衛生啦。   3. 拜年定黎開餐呀?   你上門拜年，我又要招呼你、又要俾利是你，最難頂係，你當哩道係餐廳，居然落order？想食「餐蛋麵」不如自己落茶記食啦，拜託！     4. 一睇你個禮盒就知係二手啦   嘩~你嗰張包住禮盒既花紙，舊到呢，我好難相信你係全新買返黎就個包裝殘到咁喎！我仲要強顏歡笑咁收你份禮，真係好考演技！     5. 拜年唔好賴死唔走   過門都係客，我唔好意思趕你走，但你拜完又要留係度食埋下午茶、晚餐、宵夜都唔肯走，大人唔瞓小朋友都要瞓啦，所以各位識做喇！